واجهت زووجي برقم الخطابه اللي لقيته

يابنات كلكم قلتو اصبري لانه ماتصل غير مره ومشيها واذا عادها صارحيه واقتنعت قلت بصبر بشوف يعيدها

اااه ياقلبي امس لقيته متصل عليها ثاني مره وجن جنوني
وقررت اقول له وريته الرقم قلت رقم مين هذا قال مدري قلت بس انا ادري هذا رقم خطابه ليه متصل عليها قال ليه تتلقفي وتفتشي بمكالماتي ومالك شغل اشياء تخصني وماقلتها لك مالك خص تسالي فيها قلت تبي تتزوج يعني قال لوبغيت تزوجت قلت وش بينك وبينها قال ولاشي مالي عللقه شخصيه بصاحب الرقم بس ليه اتصل عليها مايخصك قلت اوكي انا بكلمها قال لاااا تكلميها قلت ليه خايف عليها قال علمتك مابيك تعرفين خصوصياتي عجبك والا روحي لاهلك وثاني مره لاتتلقفي في شي يخصني .. قلت يعني البس عباتي واروح لاهلي لانك ماتبي تقول ولا تبيني اكلمها قال براحتك وطلع من البيت ..
بعدها كلمني ع الواتس قال بتروحي لاهلك
استغربت سؤاله يبنيني اروح قلت تبيني اروح يعني قال انتي تقولين مو انا
قلت له بعتني في لحظه عشان هالبنت قال اي بنت ويضحك
انتي تتوهمي قلت بتخرب حياتنا عشانها قال عشان مين
قلت هالحرمه قال انتي تتخيلي مشكلتك اذا تشكي في نفسك
(بيطلعني ملحوسه واتوهم )
بعدين قال يبيلك كبير يعقلك .. انا اشوف انك تروح لاهلك تريحي تفكيرك
خلي ابوك يجي ياخذك واذا رجعت تفاهمن معكم
قلت انت تبيني اروح لاهلي انت ودني قال انا ماسك خط الشرقيه خلي ابوك ياخذك
قلت بجلس لين ترجع وودني انت اذا ماتبيني
قال انا رايح للشرقيه مابودي ولا بجيب
قلت واضح ان النفس طابت واذا ماتبيني بسلامتك

طبعا اختصرت المحادثه لانها طويله بس انكر وسوا نفسه مايعرف البنت وماعنده بنت اصلا واني اتوهم وكل شوي يقول خلي ابوك ياخذك وانا احاول فيه بس خلاص معند

المهم جلست ببيتي وبعدين جاء ع الفجر ونام بالصاله ماسافر ولاشي بس كان يبيني اطلع من البيت انا هاللحين محتاره
ومو هاينه علي نفسي انه يبيني اروح وناشبه له بس انا مابي ابوي ياخذني ويركبني الغلط مو عارفه وش اسوووي في هم مايعلمه الا الله