اول شي كلمه ماعندج سالفه ماكنت اقصد فيها شي ممكن جات لبالكم انا قلتها من باب المزح واللي قالو عني اني في غايه الوقاحه مادري اشلون احكمو. وانا مادشيت هنا عشان اقل ادبي على اي عضوة وربي شاهد . وانا مادشيت عشان اضارب او اخرب مثل ماتفضلت الاخت الكريمه كرميل بردها وهذا مو من اسلوبي مع الطيبات وهذانا بشهر فضيل كان قصدي اتغشمر معاها والكلمه قلتها من باب مزحه لا اكثر واسفه اذا زليت عليج بكلمه وفهمتيها غلط
وانا كتبتلك السموحه قبل بردي الاول لاني توقعت بتفهمينها غلط عموما الغاليه انا اكرر اسفي اذا زليت او غلطت عليج بكلمه فهمتيها غلط وربي شاهد ماني مثل ماتفضلت الاخت غايه الشوق بردها والسموحه منك يالغاليه واكرر اسفي اذا ضايقتك

أعتقد إن البنت قالت رايها بكل أدب ومافيها حاجه لو قالت غالي أو رخيص الناس يدخلون السوق ويبدون رايهم وأحيانا للتاجر نفسه...... وعموما فيه بنات مسوين عروض رخيصة على أشياء مختلفة لكن الاقبال عليهم قليل وأنا أعرفهم في المنتدى عشان كذا أنا معك في رايك إن فيه شي غالي بس مو معك في الشمولية لأن أصابع اليدين ميب سواء ومثل ماقالت وحدة من البنات الخامات غالية وتكلف....... وعموما ياهلا فيك بينا أخت وحبيبة

مشكوراااات خواااتي ....

وانا مب زعلاانه وانا حطيت هالمشاااركه ابا اشووف دت افعالكن والي يبيعن يشوفن ردت الافعال ..وانا مب شامله صدقيني اختى انا شفت بنات ماشاء الله يبن يربحن اربااح معقوله
انا اتكلمت عن فئه الى يبيعن مب ضعف المبلغ ضعفين مثلااا انا شاااريه من دبي قماش قطعه باكستانيه 3 قطع تيي وشارتنها ب45 درهم والقاا بنات يبيعونها فالمنتدى ب 130 شو تسمووون هذاا لو على تعبها يكفي تبيعهااا ب60 ولا ب70 لانها ماخذه جمله يعني 100% اقل من السعر الى انا ماخذتنه ...وهي بنااات يحطون خلطااات زيوت وتبييض للبشره بالمئااات
ولو تروحين للعطارتاخذين صابون التبيض خلطااات التبيض تلاقين الصابون اغللى شي ب7 دراهم ولاخلطات من 20 ال30 درهم انا انصدمت من وحده تبيع الصابونه الوحد ب 80 درهم
انا الحمدلله اعرف السوق ومب مجبوره اخذ شي غالي بس صدقني بنااات انا اشوف البنااات يااخذون خلطااات الزيوت باسعااار وااايد غاليه ماعرف شو السبب فالغلااا مع ان الزيوت واايد رخيصه..

السلام عليكم ورحمة الله وبركاته..

مشكورة يا اختي على موضوعج خليتي وايدين يظهرون اللي في خاطرهم :D

وتجاهلي أول ردين ومثل ما قلنا كل رد يدل على شخصية واخلاق صاحبته..

بعدين يا اختي بأمانه فيه في المنتدى الغالي وفية المعقول وانا وياج الغالي أكثر بس كل وحدة حرة ببضاعتها ولا تنسين انها ما اتيي بالساهل..

يعني انا يوم بعرض بضاعة بتعنى وبسير السوق اتنقى وادور أحلى واحسن شي واللي عندها عيال تاركتنهم في البيت وتصوير البضاعة وتحميل الصور وغير البضاعة اللي تنشحن من الخارج ترا الشحن يكلف والله والبترول واللف في السوق بها الجو الحار ما تحسبينه تعب ؟؟؟

فكري فيها يا اختي انا قبل كنت شراتج بس الحين يوم قمت انا بعد ابيع حسيت بمعاناة التاجرة وأهم شي:

والله اللي تدفعينه زيادة ارحم من الدوارة في السوق وزحمة العيد وتكاسرين هذا وهذاك وغرضج يوصلج لين البيت يعني تبون خدمة مريحة ببلاش ما يستوي..


وبالنسبة لرايج عن القطع اللي تتفصل جلابيات اللي تبيعهن الاخت *المسافر* ب 100 والله انهن يسوون رووووووووووعة انا 3 أرباع جلابياتي من ها القطع بس انا اشتريهم روحي ولو انتي حصلتيهم ب 45 انا أحصلهم في الشارجة بس أغلى من ها المبلغ واتعنى من ابوظبي عشان اشتريهم يعني لو اخذها ب 100 أوفر لي من البترول سايرة وراده ولا تنسين ترا النوعية تختلف مب كلهم واحد اسأليني انا الخبيرة :30: مصدقة عمري هههههه

وقريب بعرض قطع الجلابيات للبيع في المنتدى لا تزعل مني الاخت المسافرة ترا والله القطع عندي من زمان بس الكمية شووووية بزيدهم وبعرضهم والسعر ما حددته يعتمد بكم باخذهم ونوعيتهم فهمتي الحين ليش الاسعار اغلى من السوق.. ** وكل واحد ورزقه ** الله الرزاق مب بنات المنتدى....
كلام موجه للي يغارن لو وحدة يابت شرات بضايهن..

اما الشنط التقليد ترا 200 و 180 سعر روووووووووووووووووووعة وانتي في مكانج اتييج الشنطة شو تبون يا خواتي بنفس سعر السوق ما يستوي وكم فرقت 50 درهم ما يسوا تعبج..


واسمحوا لي ع الاطالة

اختكم