ذوات البشرة الجافة والخبيرات بالميك اب يتفضلون لو سمحتووو بليز محتاجتكم

السلام عليكم حبوبات شحالكن؟؟:26:

بنات ياليت تستحملوني واسئلتي الوااايده لاني ابا استفيد من خبرتكم واشوف شو اللي يناسبني اكثر شي
لقيت اشيا حلوة بالقسم بس مو كل شي يناسبني لانه بشرتي جااافه وخاصه الحين بالشتا اهئ اهئ

اول شي حابه اقولكم عشان تقولولي اللي يناسبني ترا بشرتي جاافه تميل للمختلطه لكني اعتبرها واللي يشوفها جافه وتعذبني بالشتا اهئ اهئ
لاتملووون وتتعبون من أسئلتي صح انها كثيرة بس جد جد محتاااااااااجه الجواب ضروري وباسرع مايمكن قبل لاانزل حق السوق وانا ميح بالميك اب بس قاعده اتعلم واتدرب واشوف اللي يناسبني قبل الزواج مااتوهق بالتجهيز:09:



حابة اسألكم عن كذا منتج وباي ماركة تنصحوني + شو أسوي عشان اقاوم الجفاف ببشرتي وأي مرطب تنصحوني فيه


س1- بالنسبة للقلم الكحل الكريمي جربتوه قبل؟؟ مدحولي اياه وايد=كثير واشتريت واحد من ماك وبعدني ماجربته بس من كثر مامدحوه لي وانه يغني عن الآيلاينر؟؟ خذيته
يوم تستخدمونه واقصد بالذات اللي ع شكل قلم تمسحون بعدها عليه بفرشاة لتثبيته؟؟ وكم رقم هالفرشاة؟؟ وهل فعلاً استغنيتوا تقريباً عن الايلينر معه
ممكن مسحه خفيفه من الايلينر تحت العين لرسمه معينه حلوة بس هذا أحدد العين فوق وتحت


س2- بالنسبة للبيس
ناوية إن شاء الله آخذ البيس من فورإيفر مدحولي اياه وايد خصوصي ان بشرتي جافه فيناسبها الابيض لترطيبها وكمثبت ولمعه للميك اب
تنصحوني بيه ولافيه ماركه أفضل؟؟؟كريولاين مثلاً مع اني صعب الاقي هالماركة بسهولة لكن يمدحون البيس تبعها كمان

س3- بالنسبة لكريم الاساس السائل
نصحوني بالكريمي عشان بشرتي المصون ماتتقشر بعد الميك اب مع اني أحس ان البيس خلاص راح يحل المشكلة انتوو إيش رايكم؟؟؟
أفكر آخذ من جيرلان الكريميه حلوة حد جربهااا؟؟؟
أو اخذ الكريم الاساس العادي من كانيبو بس شفت الكريميه من جيرلان احسن لبشرتي وارخص:22:


س4- بالنسبة للبودرة السايبه بعد كريم الاساس أحسها احسن من العادية
اممم شو رايكم آخذ من جيرلان كمان؟؟


س6- من س4+س5 سمعتووو عن ماركة اسمها مااعرفه بالضبط بس يمكن شيسيدو او سيشيدو مااذكر بالضبط:hahaha: حدا جربها وشافها حلوة لكريم الاساس السايل والبودرة السايبه؟؟


س7- بالنسبة للبودرة المضغوطه
انا كنت أحاتي وايد لانه بشرتي الجافه تتقشر عقب الميك اب بس بذاك الوقت ماكنت أستخدم البيس ك حل
ونظراً لانها أسرع واسهل
هل تنصحوني باستخدامها(المضغوطه) بدال كريم الاساس السايل والسايبه؟؟
من ماك مثلاً او أي ماركة؟؟
يعني للبشرة الجافه هل حقيقه انه الافضل لها لنتايج طيبة استخدم الكريم الااساس السايل وبعدها السايبه من اني استخدم فقط البودرة المضغوطه 2في1

س8- سبراي مثبت الميك اب أي ماركة تنصحوني فيها؟؟ كريولاين حلوة؟؟ شو بعد؟؟

س9- الشدوهات
شو تنصحوني بأي ماركة؟؟ انا حالياً للتدريب فقط أستخدم من مكياجي واحسها مو ذاك الزود ماتساعدني بالدمج كثير احيان احسها مثل الغبرة:hahaha: العلبة اللي شاريتها ب90 تقريباً من مكياجي
ماك وايد حلو بس العلبه الصغنونه الوحده ب60 وانا أبيهم لفتره اتدرب عليهم وبنفس الوقت اذا عندي مناسبه صغنونه يعني ابا شي مرتب بس مو غالي كثير
بس هم نصحوني باللي تعرفونه وقولولي الغالي من المعقول
جربتوا ماركة بناي؟؟ الشدوهات المضغوطه مو المائيه؟؟ شو رايكم فيها؟؟


س10- القلوسات والارواج
أي ماركة أحلى؟؟
وبنات كمان ودي أسأل انا شفايفي مليانات لوحدهن وودي بشي مايبيّن كثير بانهم مليانات
يعني أختار الالوان الفاتحه ولا شو أسوي بالضبط؟؟ القلوس احسه يكبرهم اكثر مع اني أحب القلوس :(


س11- بالنسبه للمرطبات
سمعت عند لانكوم فيه حاجات حلوة عندهم
استخدمتوها؟؟ شو هي المنتجات بالضبط ونصحوني لبشرتي احسها صايرة تعبانه وايد ومايناسبها اي شي اهئ اهئ


س12- الجليتر
أي ماركة عجبتكم؟؟ ودي باللي يكون مخلوط كذا لون مرة شايفه جليتر حباته صغاار ودامجين الازرق مع الفضي طالع روووووووعه وهو لحاله كذا بالعلبة

س13- أفضل كحل فاحم داخل العين ومايسيح وايد؟؟
س14- البلاشر؟؟
س15- فرش حلوات واسعارهن مناسبه؟؟
س16- اصحاب البشرة الجافه شو تسوووون عشان يكون الميك اب عليكم تمام التمام ويبقى لاقصى حد روعه بلا تقشسر ولايحزنون؟؟

امممممم إيش كمااااان>>>لاتخافون هذولي اسئلتي بس:30: :hahaha:


ولكم دعوة من الخاطر لكل اللي بتفيدني ولو بجواب سؤال واحد ع الاقل لاني محتاجه الجواب ضروري
ونصحوني باي شي عشان بشرتي الجافه


والسمووووووحه ع كثرة الاسئلة وانا واثقه ومتأكده بانكم ماراااح تكسفوووني وتردوني خايبه:22:
والله يعطيكم العافية


مع السلامه
ولنا عودة قربياً إن شاء الله

هموسه
^_^