ام حمد الغالي @am_hmd_alghaly

عضوة نشيطة

هذه تجربتي ويااارب كلكم تحملون قولو امين يالغاليات

هلا خواتي الغاليات
شخباركم اتمنى من كل قلبي تكونون بالف خير...

حبيت اشارككم بتجربتي وان شاء الله تستفيدون منها..

انا بعد زواجي قعدت فترة طويله جدا وما حملت وكنت احس بضغط كبير من كل اللي حولي وخاصة ان كل اللي تزوجو معاي وبعدي صار عندهم عيال وتعبت نفسيا من هالشي وكنت دايما ابكي واحس بحرقه بس الله الشاهد اني ما نظرت لاحد بعين الحسد او الحقد بالعكس كنت افرح لهم واقول يارب لاتحرمني وارزقني وكل محروم ومحرومه بالذريه الصالحه...

عالجت ودرت مستشفيات وعيادات وماخليت ادويه طبيه ولا شعبيه الا وجربتها وابر ومنشطات واشياء كانت تسبب لي مضعافات نفسيه بس كنت اصبر واقول ما يخالف في سبيل اني اصير ام بسوي كل شي واي شي...

بعد فترة وانا اتصفح بالنت والمنتديات طحت على قصص عن الاستغفار ومن ضمنها كانت قصص ناس عقيمين وكيف بدو بالاستغفار والله استجاب لهم ورزقهم من اوسع ابوابه فقلت لزوجي خلنا نجرب والله يجزاه خير طبعا وافقني وبدينا حملة الاستغفار انا وياه وكنت اقوم اصلي الليل واقعد استغفر للفجر وعلى هالحال قسما بالله يا بنات شهر بس والله اكرمني بالحمل ما صدقت وكنا انا وزوجي وايد فرحانين ان رب العالمين قريب يجيب دعوة الداعي اذا دعاه...

بس للاسف بعد شهر من الحمل تم اكتشاف الحمل خارج الرحم وقلنا الحمدلله على كل حال المؤمن مبتلى وصبرنا وسويت العمليه وازالو الانبوب وقلة عزيمتي شوي قلت كنت بانبوبين وما تاخرت فمابالكم الحين بانبوب واحد بس زوجي قال نرجع للاستغفار والله كريم مثل ما رزقنا اول مره بيعوضنا خير وبالفعل بدينا مره ثانيه وياربي لك الحمد والشكر الله اكرمني وحملت ثاني والحين انا على وشك الولاده بفضل الله ومنته وابي منكم دعواتكم الصادقه ان الله يثبت حملي ويرزقني اياه سليما معافى تكفون...

والله يرزق كل محروم ومحرومه بالذريه الصالحه ...

هذه قصتي مع الاستغفار...

يلزم عليك تسجيل الدخول أولًا لكتابة تعليق.

تسجيل دخول

حمامه طائره • 15 سنة

مبروك حبيبتي الله يفرحك بشوفة ولدك وان شاء الله تقوميين بالسلامه

gosy • 15 سنة

ماشاء الله تبارك الله
مبروووك حبيبتي الله يقومك بالسلامة يارب
ويرزقك الذرية الصالحة البارة المعافاة
جزاكي الله خيراا
الله يرزقنا من واسع فضله الذرية الصالحة البارة المعافاة وكل بنات حواء وبنات المسلمين يااااااااارب
ويغفر لنا جميعايااااااااااااارب

فال • 15 سنة

ماشاء الله تبارك الله -لااله الا الله
مبروووك حملك
والله يهون عليك ولادته
ويعطييييك العافيه على طرحه تجربتك وينفع بها يارب ويكتبلك اجرهاااا

يقين 111 • 15 سنة

الحمد لله وان شاء الله تقومين بالسلامه ويسهل ولادتك

شكرا رفعتي معنوياتنا

LoOoOLoOO666 • 15 سنة

.
.

ماشاء الله ..

الله يقووومك بالسلامه يارب وتفرحين بشوووفة جنينك سليم معافى ..

والله لا يحرم كل من تمنى بالحمل يااااااااارب العالمين .