حامل ووزني :(

الله يكون في عونك

• ششوفي انا كمان حملت ووزني 83 وتحطمت مرره وقلت شكلي بصك الميه بس تصدقي انا دخلت السابع توني ووزني صار 84 حتى الدكتوره مستغربه تقول ليش وزنك مازاد وسوت لي تحاليل وكذا والحمد لله كل شي سليم اتوقع لني ماكنت اكل كثير بحكم اختباراتيدوكذت انتي خففي اكل وماراح تسمني

كلام لوشز صح لا تاكلي كثير ودكتورتي قالت لي كثري حركة لأني حملت وانا وزني كبير مثلك تقول الاوربيات يلعبون رياااضة ويتحركون وهم حوامل عشان كذا الجسم يصير مرن وتسهل الولادة انتي خففي أكلات دسمة وحطي سلة الفواكه فيها فاكهة وخيار وجزر خليها قدامك تروحين وتجين عليها انا سويت كذا وما زدت كثير بحملي الله يسهل عليك احذري من المتن خلال الحمل له مخاطر كثيرة مثل سكري الحمل وصعوبة الحركة موفقة حبيبتي

الله يعطيكم العافيه ع الردود

اما لاتاكلي كثير
ياقلبي لازم الحامل تاكل


بس الاكلات اللي تسمن تبعد عنها
اللي بس سمنه وسد جوع مافيها فيده لا لك ولا للجنين


الخضروات والفواكه دايم كثريهم كوليهم صبح ومسى وكل ماجعتي دبي بالفواكهه
ماراح تسمنين من فواكه مافيها شي يسمن لكن فيها فيتامينات تفيد الجنين وتفيدك


النشويات ابعدي عنهم خير شر
هم سبب السمنه وزياده الوزن لك بس مايزيد وزن الجنين ولا يفيدون الجنين


اي حاجه تفيد الجنين كوليها
الخبز استخدمي البر بس
الفطاير سويهم بر
القلي امتنعي عنه
الشوي استخدميه
اللحوم الحمراء ابعدي عنها واستخدمي البيضاء
الغازيات حرميهم
الحلويات انسيهم


تعرفين الاكلات اللي مامنها فايده بس وزن وامراض
ابعدي عن الشاي والقهوة
فطورك خبز بر وجبن وقشطه وتونه وزيتون وخيار وطماطم وكاس حليب وكذا من هالفطور الخفيف
المهم يكون فيه منتجات الالبان عشان الكالسيوم محتاجته انتي والجنين ولا بعدين تندمين لا جاك ولدك ولا بنتك عنده مشكله بالعظام
منتجات الالبان ماتسمن اهتمي فيهم خاصه الحليب واللبن


الرز ينفخك ويخليك دبه لانه نشويات ممنوع على النفاس تاكله عشانه مافيه فايده لها يسد الجوع بس لكن يطلع كرشه ويسمن
شوفي الاكل اللي يكون مو نشويات ولا دهون ولا سكريات
كولي المفيد لجنينك
عشان ماتحين بعدين وتقولين بالتاسع ووزن جنيني كذا


المشروبات الغازيه تكسر الكالسيوم بالدم
الشاي يكسر الحديد ويلغيه
الشاي الاخضر يلغي الفوليك بالجسم


ابعدي عنهم
ترتاحين
الفواااااكهه طول الوقت كولي فيهم لانهم مصدر الفيتامينات اللي يحتاجها جنينك


التمر احرصي عليه يوميا لانه مفييييييد لعقل الجنين هو اللي يدخل بتكوين ذكاءه وعقله
لاتخافين لو تاكلين سطل تمر مايجيب الولاده
الناس فاهمه التمر غلط انه يجيب الولاده وهذا خطاء فضيع ومفهوم خاطئ
التمر اذا معك طلق يهدي الانقباضات ويخفف الالم عشان تقدرين تدفعين
والتمر يولد طاقه بالجسم اللي تحتاجه اللي تولد


لذا التمر مهم بالحمل
انا اكله قبل النوم مع كاس لبن يغذي الجنين ويزيد وزنه