بداية رحلتي في العلاج من جديد (يارب ختامها مسك )

السلام عليكم
امممم مااعرف للمقدمات ف حدخل عرض ..
طبعا انا متزوجة ليا خمسة سنين بس ولله الحمد ربي ما رزقني بالحمل
وهذي سنتي السادسة والمحاولة الثالثة للحمل ياربي يكتب لي فيها الحمل ..
طبعا كنت اتعالج عند دكتورة لسنتين بس ماطلعت بنتيجة غير ان تنتظم دورتي فترة وترجع تتلخبط ثاني تعبت صراحة من الوضع وسحبت سنة بدون علاج والسنة هذي رحت لدكتورثاني وانا دورتي متدهورة بالشهور ماتنزل وكشفت من اول وجديد طلع عندي تكيس في المبايض وانصدمت اتاريه التكيس سبب تآخر حملي .. لكن طمني الدكتور وقال التكيس اخر الحمل ولكن ما حيمنعو ان شاء الله .. وبدينا من اول زيارة بالتحاليل عشان يشوف هرمون الحليب والغدة ايش وضعهم .. سويت التحاليل والحمد لله طلع كل شي طبيعي .. وزوجي نفس الشي طلب منو تحاليل حيومن وطلع كل شي سليم.. وبالنسبه للتكيس وصفلي حبوب جلوكوفاج وقلي الحبوب ذي تستخدميها وماتتركيها مرة لين يسير حمل .. وحدد لي موعد حتنزل فية الدورة وقال لو نزلت راجعيني في اول يوم للدورة .... وفعلا نزلت الدورة بس قبل اليوم اللي حدده نزلت الهانم من بعد خمسة شهور من الانقطاع :44:.. وراجعت الدكتور عمل لي كشف سوناربالبطن يتطمن على بطانة الرحم وقال كويسه ونبغى بس الدورة تتصفى ووصفلي ابر لليوم السابع من الدورة اللي هي ابر (بورجون )ومعاها حبوب (كلوميد ) .. طبعا اخذت الابر والحبوب وراجعته في اليوم ال11من الدورة بعد ما وقفت وكشف لقى نزلت عندي بويضه وحدةبحجم 16 .. قال مقبوله بس نبغاها اكبر .. ووصفلي حقنة ثانيه اسمها اظن (مريونال ) اخذتها وراجعتة في اليوم 13 من الدورة .. وكشف لقى نزلت عندي بويضتين وحدة بحجم 20 والثانية بحجم 22 .. وقال بس هذا المطلوب .. وقلي حنبدا في خطوة العلاج الثانية وهي كالتالي .. ابر اظنها متفجرات او مفجرة زي مايقولون واسمها (كوريومون ) ومعاها حبوب (دوفاستون ) وعملي جدول لمواعيد الجماع ووقت الابر ومتى اخذ الحبوب .. وانا حاليا ماشية على ما قلي .... يا بنات يا صحبات التجارب السابقة سالتكم بالله انا ماشية تمام مع الدكتور ؟ وهل خطة الدكتور وطريقتة في العلاج كويسة ؟ وهل انا وضعي وحجم بويضاتي تمام ؟ اللي مرت بنفس تجربة علاجي تطمني الله يرزقها من حيث لاتحتسب ويفرحها ويفرح قلوبنا بشوفة فلذات اكبادنا يارب ... سامحوني عالاطالة