السلام عليكم
اللهم لك الحمد كماينبغي لجلال وجهك وعظيم سلطانك
والله ماتخيلت بيوم اكتب قصه ولادتي يارب الحمدلله
اول شي قولو كلكم امين
اللهم ياحي ياقيوم ياذا الجلال والاكرام يامن امره بين الكاف والنون
ارزق خواتي في تأخر الحمل الذريه الصالحه العاجله المعافاة وكل من يقرأ
خصوصا
اختي بنت ناس واختي مارشمالو واختي ياقساوة قلوبهم اللهم امين
(انا خصيتهم لانهم سئلو عني وبلغو سلامهم لي)
انا بصراحه من يوم دخلت التاسع وانا متوقعه اني بعوشر وابولد بطلق صناعي وكنت خايفه كثير ومتوقعه قيصري عشان عندي عمليه سابقه فالورك سئلت الدكتورة رائده عنها قالت احتمال كبير قيصري
هنا دب الرعب فيني بس الدعاء الدعاء الدعاء سحر سبحان الله
وقبل ولادتي بيومين كنت حاسه اني بولد قريب خلاص احساس غريب بديت اشتغل في بيتي واتحرك وانظف وارتب واطلع درج وانزل واطلع انا وزوجي يوميا نمشي (ماطلعت الامرتين ترى وولدت)
وكنت اشرب قرفه من يوم خلصت اسبوعين من التاسع وانا اطفح في هالقرفه واحط معها قرنفل واحيانا زنجبيل
وقبل الولادة بيوم شربت وصفه عطتنياها الجوهرة الله يسهل ولادتها ويقر عينها بضناها قولو امين
وهي
حليب+فنجال زيت سمسم+اعوادقرنفل +قرفه)
وبعدها طلعت امشي طبعا كنت اهرول اكثر من المشي وزوجي جنبي بالسيارة وكنت اسئله كل شوي كم راح وقت يقولي ماراح الاعشر دقايق:06:
وانا اطالع ساعتي صدقته وكذبت نفسي
وعدى ساعه كامله وانا قلي مو مستوعب توقعتها ثلث ساعه بس طبعا ماكان فيه اي تفكير وكل بالي اني ابي اولد وبس
ورجت البيت واول مرة في حياتي اطلب من زوجي....؟؟؟:arb::35:
لاني من حملت وانا انحاش منه:hahaha:
يعني حاطه براسي والدة والدة الله لايعوق بشر حتى يوم جيت انوم جهزت شنطه المستشفى وجهزت ملابس وفرغت سله الملابس خلاص
وزوجي يقول انتي مصدقه انتي توك لانه من بعد الجماع وانا خلااااااااص تأكدت انها ولادت بدت فيني الااام كل شوي وظهري وبطني وفخوذي ومعد اقدر اوقف ولااركع خلاص كل شي شد علي
نمت صحيت الفجر على المويات تصب على ملابس وبسرررعه اركض للمستشفى قالو
واحد سم
وحطوني غرفه ماقبل الولادة
وركبو المغذي وجهاز الطلق والنبض وعطتني حقنه شرجيه الله يكرمكم
وفرغت كل اللي ببطني وشوي رجعت كشفت قالت لسه
وزوجي مسكين كل شوي يدق عالمستشفى يحسبني خلاص نزلني المستشفى دقيقه ويقولون له ولدت
طبعا رحت ست الصباح المستشفى وجت الساعه عشر ونصف صباحا واكشفت قالت لسه لاززم طلق صناعي حطته ومن عقبها وانا اتلوى صار كل قمس دقايق تجيني طلقه تلويني لوي :06:
واصرررخ ويتجمعون علي يجون يشوفون الجهاز يقولو وش تصرخي مافي طلق ولا شي
قمممممه التحطيم
جت الساعه 12خلااااااااص رحت فيها تعبت الااام متواااااصله معد قدرت قالت ما انفتح
جتني دكتورة هنديه قالت تبيغين ابرة ظهر
وانا على طول قلت ايييييييه
قالت وقعي قالت ابصم بالعشره بس هاتوها وسوو عمليه ان بغيتو بس فكوني
قالت لازم ينفتح الرحم 5 سم وكشفت علي قالت لسه 3
وكشفت مرة ثانيه بعد ساعه خمسه سم رون بي غرفه الولادة
معليش والله ولدي ميت صياحه برضعه ربع ساعه وبجي
بليييييييز لحد يررررررررررررررررررررد
سويت عديل عشان يكتمل الموضوع هنا
انا اسفه والله خرب ال نت سامحوووووووووووووووووووووووووووووووووووووووووووووووووووني
المهم
جا اخصائي التخدير وحط ابره الظهر يارب لك الحمد والله انها نعمه من رب العالمين طبعا ماخدروني كليا لا
يعني احس بالاام وطلوق ولكن تحتمل زي الاام الدورة
وكلما جت طلقه قالو ادفعي
الغريب اني ادفع وانا نايمه على جنبي ومسكره رجولي
ولا خلوني افتحها الا على الراس يعني كل شوي يفتحونها يشوفون نزل الراس لالا
واخر مرة طلو
قالوا يله ماما فيه راس يله ادفعي طبعا دفعت لين بغى ينقطع نفسي بالموت اددددددددفع لين وسعتني وطلع الراس ومدري شلون سحبوه وانخلعت رجلينه الثنتين
حسبيا الله ونعم الوكيل على هذيك السستر سيرلنكيه او هنديه غير مسلمه تنافخ علي وبعدما ولدت قعدت استفرررغ واستفرغ وبطني فاظي مافي الا سوائل خضرا مادري وشي الله يعزكم واناديها وترمي علي الزباله وتقول بمامعناه لاتوسخينا استفرغي هنا اهم شي ما اوسخ كنها هي اللي بتنظف حسبيا الله عليها
اه يارجلين ولدي مضييييييييييييييييييييقه صدري\جو عطوني البيبي وقالت لي ماما بيبي في رجل مشكله وراحت طبعا بعدمارحت غرفه التنويم فالليل وانا اصيييييييييييييييييييييييييييييييح بغيت اموت شهي مدري ولدي وش فيه ولا وش قصته
واناديهم بالموت جت تقول وشدراني استني دكتور الصباح وانا ش يصبرني للصباح حسبيا الله ونعم الوكيل قعدت 4 ايام فالمستشفى عذاب رايحه جايه على دكتور العظام تعب نفسي وتعب جسدي اخر شي قالو خلع يامدام:44:
اللهم لك الحمد هذا ابتلاء وانا احسن من غيري
بليز الي تعرف اي شي عن الخلع تقولي هل يرجع طبيعي ميه بالميه ولا في عرج ولا وش قصته واللي تعرف ممرخات او شي يرجعنه لايقصرون معي
بليز ادعو له مايحتاج عمليه مو لازم تكتبون كل وحده قرت موضوع ترفع يدها وتدعي الله يشفي ابني ومايحتاج عمليه يارب
بالنسبه لي سألوني عن المستشفى والابرة
سويت تعديل للموضو وجاوبت هنا شان يكون فالصفحه الاولى
ولدت في المستشفى الملك خالد الجامعي ومابي اظلمهم الدكتورة اللي ولدتني هنديه اسمها فاطمه ممتازة واخلاق حتى اول ماولدت عطتني جوالها اكلم اهلي اطمنهم
لكن السسترات زفففففففففففففت زفففت
والاستفراغ الى الان ما ادري وش سببه بس ما اظن من ابرة الظهر اتوقع من المغذيه يعني او عصارات المعدة ما ادري
خذلني الوقت @khthlny_alokt
محررة فضية
يلزم عليك تسجيل الدخول أولًا لكتابة تعليق.
مالقيت اسم سنع
•
ننتظرك باذن الله
الصفحة الأخيرة