لميا2008 :

هل البنت نفسها حابه انا بنتى زيها فى السن تعرف اشكال هندسيه وتشخبط كمان فى اخت هنا علمتنى ازاى تقرا بعض الكلمات هدور وابعته ياريت نعين بعض

هل البنت نفسها حابه انا بنتى زيها فى السن تعرف اشكال هندسيه وتشخبط كمان فى اخت هنا علمتنى ازاى...

Um Jawad :

شوفوا انا صرت ابحث في النت بالانجليزي لقيت انه الاجانب من لما يكون الطفل عمره 3 شهور يبدأوا يعلموا الألوان والاشكال يقولوها دائما ويوصفوا الاشياء ويوروها للطفل ...فأولادهم ما يصير عمرهم سنة ونص اقل شيء الا ويعرف الالوان ...انا بنتي كلامها بسيط ..رغم انها تحسنت في السنة الاخيرة لاني صرت اهتم فيها واكلمها لما كانت صغيرة ما كنت اكلمها وكمان انا كلامي سريع وقليل ..بس ااكل والبس واهتم فيها في مرضها ولا فكرت في الكلام ... لما صار عمرها سنتين ونص انتبهت اني ما اذكر الالوان اصلا قدامها .. انا بالنسبة للكتابة بدأت اهتم لاني خايفة السنة الجاية تكون متأخرة عن زميلاتها في الكتابة ...ولا انتوا معاكم حق انه الكتابة مع الوقت والممارسة ما حيكون في مشكلة ان شاءالله... الاخت noors انا بنتي تعرف 3 حروف و3 الوان ...يعني لما اسألها مثلا فين حرف الباء تاشر عليه لكن لما اقولها هذا حرف ايه ما تقول اسمه ...هذا معناته انها فاهمة بس يمكن لانهاشوية متأخرة في الكلام صعب عليها تقوله ...فأكيد انه الطفل يتعرف على الرقم لكن انه يقولك ايش هذا الرقم ما ادري يمكن الاخوات يفيدوكي ... وعلى فكرة الطفل لما يكون عمره شهور يتعامل مع الكلمة على اساس انها صورة ويقدر يتعرف عليها بسهولة فمابالك بالرقم ... اختي دلوعة شكرا لك طمنتيني حسستيني انه بنتي طبيعية ... اختي لميا ..انا بنتي الحمدلله حابه ..تحب الكتب والكتابة ...وتكون مرة متحمسة ...بس بالنسبة للاشكال لسة متعبتني ...يمكن في الالوان والحروف احسن شوي ....وياليت تدليني على طريقة تعليم القراءة ...انا عارفه انه الاخوات حيقولوا متحمسة وبدري بس احب اقولكم انه اعداد الطفل للمدرسة احسن من انه اكتشف انه طفلي بطيء في التعلم بعد ما يدخل المدرسة واندم في وقت ما اقدر اسوي له شيء ...وعلى فكرة اكتشفوا مؤخرا انه انسب طفل لتعلم الطفل القراءة .. الخمس او الاربع سنوات الاولى من عمره ..حتى لو كان طفل قدراته بسيطة او حتى لو كان طفل توحدي ....طبعا اللي اكتشف الاكتشاف هذا دكتور وعمل برنامج يعلم الطفل القراءة ومعظم الكلمات المستخدمة في اللغة طبعا باللغة الانجليزية ...انا ان شاء الله ابغى اشتري البرنامج لبنتي لانه ممتاز للي يبغى يتعلم لغة ثانية ...بدل التعليم السيء اللي في المدارس الخاصة وكمان المدرسين الخصوصيين غاليين جدا .., البرنامج عبارة عن صور لحيوانات واطفال واناشيد ...عموما زوروا الموقع وان شاءالله تشتغل معاكم مقاطع الفيديو وشوفوا الاطفال بعمر 9 شهور و 3 سنوات يقرأوا ...وشوفوا مقطع من البرنامج , ياليت فيه منه باللغة العربية :mad:

شوفوا انا صرت ابحث في النت بالانجليزي لقيت انه الاجانب من لما يكون الطفل عمره 3 شهور يبدأوا...