آآآآآآه ......بنات الحقوني كنت حامل بس خلااااص

السلام عليكم
اخواتي مالي الا الله ثم انتم تواسوني وتقولون لي ويش اسوي
طبعا انتم عارفين كل حكايتي مع الحمل والاجهاض كاتبتها بالتفصيل في كذا موضوع المهم

الحين انا بمشكله وخايفه حيل كنت حامل رحت اصور قبل فتره قالت لي الدكتوره انتي ب7 اسابيع بس فيه كيس ولا فيه جنين لازم تسوين عمليه تنظيف
انا هذي مو اول مره اجهض هذي تقريبا خامس مره وكلها كنت اخذ مثبتات دفستون وابر وتحاميل بس كلها ما اكمل شهر ونص او شهرين الا يوقف نمو الجنين بس كان على طول يجيني الم وينزل علي دم وانتم بكرامه ما اروح انظف ولا شي اشرب اعشاب والحمد لله ما اخذ اسبوع الا الرحم يكون نظيف

المشكله هالمره ما فيه الم ولا دم شربت كل انواع الاعشاب ولا فيه فايده والحين لي اسبوعين من قالت لي الدكتوره انه وقف النمو والاسبوع اللي فات رحت لها قالت لازم تنظيف قلت لها طيب اصبر شوي يمكن ينزل بنفسه قالت لي اخر حد لك ليوم الخميس الجاي يعني بقى يومين وانا خايفه حيل لانها قالت لي خطر عليك

وامس كلمت حرمه تعالج بالاعشاب والتمريخ عجوز قالت لي تعالي وانا انزله بس بعد خايف

بنات تكفون تكفون والله عانيت كثييير قولو لي ويش السوات اروح للحرمه ولا المستشفى بس انا خايفه حيل من العمليه اول مره بحياتي اسويها خايفه اموت ولا ادري وشلون يسوونها وخايفه على امي من بعدي وعلى بنتي اللي ما عندي الا هي

تكفون تكفون ردو علي الحين كيس الحمل برحمي وخايفه ما ادري ويش اسوي ويش تنصحوني ردو علي بسرعه بسرعه