معقولة هذا سبب كافي يدفع الرجل للزواج

السلام عليكم حبيباتي

بدخل بالموضوع ع طول انا طبعا من النوع اللي طلباتي شبه معدومه مااطلب شي من زوجي غير احتياجات البيت والعيال واكتفي بالمصروف اللي يعطيني زوجي وحتى لو نقصه مااناقشه اللي ينقصني اشتريه من مكافأتي بس مااطلبه هذا قبل اما حاليا بعد مااكلت قرصه منه وتفاجأت ان اللي اوفره يضيعه ع اصحابه والبنات اللي تعرف عليهم حديثاً صرت اطلبه بس بعد طلباتي جداً معقوله

اللي فاجأني ان ولد خالي جاي عند امي يفاتحها بموضوع خطبته يبي يتزوج ع زوجته والكل يعرف ان زوجته مشاءالله هبة ريح وجسم مشاءالله وجمالها عادي وعندها خمس عيال وتحب اهل زوجها وتخدمهم بس شنو عذره
يقول زوجتي من تزوجتها ١٨ سنه ماعمرها طلبت مني شي ابدا وحتى لو اعطيها فلوس تروح السوق تروح وتجي ويدها فاضيه ترد لي فلوسي
يقول ابي احس عندي زوجه تحتاجني تطلب مني اعطيها الفلوس ابي اشوف يبين عليها التغيير واللبس الجديد

فأنا ماجا ع بالي ابدا ان هذا شي ممكن الرجال يحتاجه مع ان اذا طلبت وطلباتي تافهه يتذمر منها وفي نفس الوقت الرجال يحب اللي تطلبه وتحتاجه

انتو شرايكم يعني معقوله ان الرجال يجب اللي تتطلب وتسحب منه والا القنوعه اللي حصل ماحصل مابتفرق معها
وهل في رجال يتزوجون لهذا السبب لأني لاحظت ولد خالي وأخوي بس اخوي هذا احد الأسباب اللي بتدفعه للزواج