السلام عليكم
اللهم بلغنا شهر رمضان و اجعلنا فيه من المغفورين
اللهم و اجعلنا فيه من عتقائك من النار
اخواتي
الفكرة هي
ان باقي لرمضان ان شاء الله شهرين بالضبط
احنا لما يكون عندنا مناسبة او عرس نقعد نفكر شهرين او اكثر شو بنسوي في هذي المناسبة و المتينة تحاول تضعف و الضعيفه تحاول تمتن و في الخلطات و الصالونات و متابعة جديد الموضة
زين هذا مب عيب و لا حرام
بس ليش ما نستعد ان شاء الله لشهر رمضان
ندور على طرق نزيد فيه إيمانا ان شاء الله
ندور على أفكار لشهر رمضان ان شاء الله
نحاول نكثر من قراءة القرءان و الاستغفار و نبدأ ننضبط في المحافظة على صلاة القيام
خلونا نرجع لربنا يا بنات
مدام فيه فرصة لين الحين
الله و اعلم اذا متنا حد يذكرنا بشي
احنا قصرنا في عبادتنا بشكل كبير
خلونا نعود لربي و نستغفر و نشد حيلنا
خلونا نحس بالسعادة عند قدوم شهر رمضان و الشوق
مب مثل الكثير و احنا منهم
اذا جا رمضان بكره يقولون
لا ما اصدق رمضان جا خلاص ما حسينا
بدون استعداد لاي شي
خلونا نجتهد في الطاعات و نعود لله تعالى
و خلونا نجدد ايمانا لان الايمان يزيد و ينقص
يزيد بالطاعات و ينقص بالمعاصي
و سبحان الله يا بنات
من اكبر المعجزات اللي حطها لنا ربي في هذ الدنيا
اننا ما نرتاح الا بذكره
و ان الدنيا مع طاعة الله يكون لها طعم لذيذ
الله يغفر لنا جميعا
بنات لو أعجبتكم فكرة الموضوع
بكون مستانسة لو نقلتوه و نشرتوه
بارك الله فيكن :)