زوجي زعلان مني ؟؟؟

السلام عليكم
يااخواتي اريد احجيلكم مشكلتي انا متزوجة منذ سنتين من زوجي اللي هو اقاربي واحببته كلش وكان زواجي بالغربة وكانت اول سنة حلوة جدا وانا تفاجأت بمعاملته الحلوة والجيدة معي تخيلو ولا مرة صرخ عليه ولا ضوجني ولا ضايقني والله كنت كل ساعة احمد ربي واشكره عليه واول سنة من زواجنا انا حملت طبعا بعد شهر من الزواج وهو كان خير سند اللي في هذا الوقت وخصوصا اني كنت بالغربة وتعبت كثير والوضع جديد عليه المهم ولدت قبل سنة و4 شهور وعمر ابني سنة و4 شهور وكن ياخواتي من فترة تغير معاي وصارت مشاكل بيناتنة لاسباب اما يكون ابني لانه يتهمني باني مقصرة معاه وانا استحمل وحتى اهلي صارلي سنة ونصف ماشفتهم وساكتة مااتكلم لان وضع بلدي اللي هو العراق تعرفون مايحتاج شرح وانا مساندته بالمصروف ولااصرف ومنذ يومين زعل مني لان صار بينه نقاش انه هو يريد طفل ويريد احمل هسة وانا اقله انه ابني بعده صغير خلينة ناجل الموضوع المهم صار نقاش وهددني بالزواج من وحده ثانية وهو يرسلني للعراق عند اهلي وانا بدوري قلتله حاضر اللي تريده يصير ومستعده احمل بس علشان يهدى قبل اشوي سويت غدا مرق سبانغ ورز وانا منذ زواجنة يااخوات والله اسوي نصف دجاجة مع المرق واعمل كلاص رز ولما جبت الاكل كام يصرخ ويقولي انت ليش عاملة اكل كثير انت مومدبرة وانا سكتت رجع وقالي ليش تاكلين رز تريدين يصبح وزنج 100 وانا مو سمينة وزنتي 70؟؟ والله وهو كل مااقله اسوي ريجيم يقولي انا احبج كذا وهو يجيب الحلويات ومياكل الا اني اكل مااعرف شو فيه كيف اتصرف معاه ؟؟ انا اسكت لما هو يعصب لاني مااريد اعمل مشكلة كبيرة بس مرات يكون كلامه جدا جارح ومااصبر الا واجاوبة ؟؟ اسفة لان ازعجتكم بس هو طلع زعلان اتصل بيه حتى اعتذرلة ومايقبل يرد وادزلة مسج وميجاوب الله يعيني
وشكرا