"السلام عليكم ورحمة الله وبركاته"
مرحبا ومسهلا ياحلوات
جبت لكم طبخه امممم بصراحه لذيذه خاصه للي يحبون الكبده
ماطول عليكم اخليكم مع الطبخه...
°•.ღ.•°
المقادير:
كبده
بصل
فلفل رومي
طماط
ثوم وطبعاً هذا حسب الرغبه اذا تبين او لا
جبن كرفت مبشور
ملح,بهارات,فلفل اسود
°•.ღ.•°
°•.ღ.•°
نبداء الطبخ بسم الله..
°•.ღ.•°
نكشن البصل والثوم لين يتحمر
°•.ღ.•°
°•.ღ.•°
بعدين نكب عليه الكبده ونقلبها شوي
°•.ღ.•°
وبعدين نحط عليهم الطماط والفلفل الرومي والملح والبهارات والفلفل الاسود ونقلبها ونغطيها شوي على ماتستوي
بس انا غبت عنها شوي للصلات واستوت مره لحد ماغمق لونها
وبعد ما تستوي تكب فوقها الجبن
وتقدرين بعد ماتحطينها بصحن التقديم وهي ساخنه تحطين فوقها الجبن وتسيح على حرارة الكبده
°•.ღ.•°
وهذا شكلها النهائي
مفروض تكون احلا من كذا لاكن استوائها الزايد والجبن الي حطيته بالمقلا خرب الشكل لانها انخلطت مع بعض
بس بالاول والاخير صح ان الشكل له دور في فتح الشهيه لاكن الاهم الطعم
وسامحوني على الاطاله واتمنى اشوف ارائكم وان شاءلله تجربونها وتعجبكم
دمتـم بخيـر،،،
