ايه الحين احتسي واقولكم وش مناسبة هالجمله
هذا الله يسلمكم قررر ابو دحومي نشتري لنا دفاية قاز
المهم كان يبي يشتري دفاية قاز غير اللي مبطي تسد شرينا
اللي حلفت ما اقعد عنده لانها تغمتنا بريحة القاز
والله كان ودي احط لكن صورة الدفايه القديييييييييييييمه
مير حتى عمووو قوقل قال ضفي وجهتس ماعندي لتس صور خخخخ
مير نصرفه ونعطيه لواحد خشمه خربان خخخخخخخخخخخ
مايشم
وشي بلاش ربحه بين ههههه
المهم عقب هالدفايه وابو دحومي يحوقص عندي يبي يشتري
دفايه قاز بس نوع
تسد شافه مثله عند عمي <<< ويقولون بعد ان الحريم غيورات خخخ
يقال انه مطوره وما تنتشر ريحة القاز يعني ازين من القديمه
حاول حاول وحاول وحاول ويترجى انه يقنعني وانا معييه
مير يعب برايه ويروح ويشري بدون مايشاورن خخخخخ
بعذره بي كل شي اقول لا مهوب زين
الوجار لا بيت الشعر والشب بوه لعععععععععععع
لو بعد يصفقن مزدي بي خخخ
المراد انه شراء وحده جديده يعني اشتراه غصب عن فرك خشمي
وطلعت ما اعرف اشخص عليه واعيي
<< اجل وراتس تقولين وتميلحين عندنا وتقولين محاولات وترجيات طلع كله فقش
ههههههههههاي
عاد اقولكن اشترينا المعزبه ورحنا نبي نعبيه قاز نحسب الدعوى بالساااااهل
قمنا ندور ونبترم على كل محطه
ترى المحطه اللي اعني مثل ذي الخالق الناطق
الله من بعده ههههاي
وكل محطه نمر عليه حفظت وجيه عماله
من العصر الى الساعه هداش على قولة ناس بهالدنيا
وكل محطة نقبل عليه نلقى ابو هنود متقعد لنا بهزة راسه علامة مابووووش
يعني مالقينا احد يمول قاااااااااااااااااز
بالاخير اقبلنا على محطه به ناس مجتمعين
ناس الا عاااااااااااااااالم
وموقفين بمتسان مايعبن السيارات البنزين
انتن تصورتن معي
يعني بدال السيارات اوووووادم
ومتسان متجمعين بوه ناااس مكثفين يعني واجد
ناس صافه متسان السيارات وناس متجمهره
قلت :هيه وش السالفه!؟!؟!؟!؟
تعرفون فضول مره ينبرررر ويقمزززز بالمواقف هذي
ابو دحومي قال : يمكن حراج على شي
وانا قلت : لا الظاهر هوووشه << ياحبي للشر خخخخخ
قلت تكفى تكفى قرب قرررررب خلنا نبص ونعاين ونشوف وش الاوصه
قربنا شفنا ناس ومعهم جوااااااااااااااااالين وجيوك
والى الحين ما ندري وشنهي السالفه
سالنا ابو هنود اللي لقيناه بالبقاله
طلع هالتجمهر والتجمع
هاه علشان كل واحد يبي يعبي له قاااااااااااااااز
عاد كلن وطلبه
احد واجد واحد شوي
المهم ان ابو دحومي صف مع الصاااااااااااااااااااافين
وانا اشوووف السراء من بعيد
يعني يبي لي دربيل يالله اشوفه وانا احتريه بالسياره
والحق يقال صورت لكم المتسان بس للافس ما طلع التصوير واضح لان النور خافت
وقعدت احتري واحتري وطقت تسبدي وانا انتظر اوجعني عصي
وتجي هاك التريله تبي تملي لهم خزان المحطه
تريله تسبيره بغت تودشن وتاطان يعني تدعسن وتعفطن وانا بالسياره
لان سيارتنا واقفه مكان الخزان الاضافي لتمويل القاز
بس اشوى كلمت ابو دحومي قبل لا اصير بخبر كان
ماعنده وقت ابو هنود
وانا ارقب الناس كانووو اشكال والوان
صغار وكبار عمال وسواقين وشيبان وشبان وحضر وبدو
وناس كشخه وناس مايحتاج افهمووووها
واللي عليه فروه واللي عليه وزره
حتى اني ميزت اللي توهم معرسين
اتحداكن تعرفن وشلون ميزت المعارس ياتيتشر والمسلمه بس هاه
على الخاص الجواب هههه
من المبطين معرسين
دق حنك وسواليف ابو دحومي مع اللي بجنبه بعذرهم من طوووول ما وقفووووو
وبها الوقت وانا انتظر بالسياره طقت براسي الهوووواجيس والافكار
شوووفوو وشلون الناس يتصارعوووون علشان يوفرون لهم شي
يدفيهم وهالشي اعتبره كمالي
اجل وشلون الناس اللي يتصارعون من اجل لقمة يسدون فيه جوعهم
اللهم اعطهم ولا تحرمهم ومن عليهم من عطاك يا ارحم الراحمين
والله شبهت موقف وقفت الناس بانتظار القاز
مثل اهل العراق وهم يبيعون البنزين والهوشات اللي تصير بذيك الساعات
والله اننا بنعمه نحسد عليها
امن وامان ورخاء وانعمممم اللهم ادمها نعة واحفظه من الزواااااااااااال
بس والله يالمعزبه طلعت شششششششششششششي
تهوووووس تههههههبل تضرج من زينه
نشغلها من العصر ونخليه تدهررررررر لين تدوخ وتخمد من نفسه
<< ما وراء جوده يقضي قازه خخخخخخخخ
عاد أي وحده منكم تبي تحظى بصوره مع المعزبه الموووقره تحجز موعد علشان تصور معه
مهيب الدلافين ابرك من دفايتنا خخخخخخخ
هذا مافي وسعي لكن شفتووو مامن طووول هالمره
دام الجميع لمن يحبهم وأنا أم تأبط شراً منهم
ايه الحين احتسي واقولكم وش مناسبة هالجمله
هذا الله يسلمكم قررر ابو دحومي نشتري لنا دفاية قاز...
وعليكم السلاام ورحمة الله وبركاااته
ياهلاااااا وغلااا بام اروني << انجحد دحومي
وشلونتس ان شاءا لله بخير؟؟
يقولون من طوول الغيبااات جاب الغنايم << احلفي
عااد نبي نشووف وش جايبتن لنااا النهاارده بس اكيد انه موضوع رووعه مثل راعيته
والله اني داخله اويدز على الواحه واقول في خااطري اكيد على حالها من كم اسبووع مامن جديد مير يوم اشووف يوزرتس وانا اطير عويناااتي قلت ززين لسى الدنيااا بخيررر :22:
احلى قرق قرقتس ولايهمتس
بعدين الله يهديتس من قال ان مواهبتس مدفووونه اجل وهاللي تطلعينها عندنا وشهي
والا ذي سااكته وعندتس شين دافنته << اها بس
ههههههههههههههههههه نشووووف :S_45:
وشلووون ابووي يقول ان بيااع اللي مافيه مخ عباته رااح وان هذي نهاية الشتااء تهقين انه يتفلسف علينا وهو مايدري وش القووصه :unsure:
اي والله ياربي لك الحمد في هالبرد الواحد ماااوده الا يكوون تحت البطاانيه وهذا احلى شي
ان البرد القووي ماجاء الا عقب ماتخرجت وصرت عاطله ياربي لك الحمد والا كان طقتني الغلقه وماكملت دراااستي بس متحسفه الحين على هاليومين اللي صارن اجاززه حسااافه ليتها على ايامنا عشان ننبسط بهااا
كملي كملي ماعليتس :icon31:
يعععععععععععععععع حامت تسبددددددي :08:
ههههههههههههههههههههههه وش سالفتهم هالعيال ولد اخووي يجمع فسحته يوم سالته ليه؟؟؟ قال عشان اذا كبرت تصير مهر لزوجتي << امحقق يفكر بالمرره من الحين
جيلن امحق على قولة امي
يقول مصدر مسؤؤل ان الرجاجيل اردى من الحريم في كل شي حتى في الحش الله لايبلاناا ويقولون سوالف الحريم ماسخه ووه بس ياشينهم
تصدقين انه مشروووع ناااجح بس فاتني
والا كاان اجيب من هالقاااز وابيع على خلق الله << تفكير تجاري :biggthump
بالله وشلووون ميزتيهم علمينااا محنااب معلمين احد :icon20:
اللهم امييين
اي والله على طوول خلص
ياسفااااااا بتس
الله يعطيتس العافيه ام دحومي << عشان مايزعل علينا هههههههههه
ماقصرتي الله يقصر الشر عنتس وسعتي صدري الله يوسع صدرتس بطاعته
مع السلامه