قصتي امس ورفض عمل القيصريه

السلام عليكم ورحمه الله

بالامس كتبت موضوع بعنوان اليوم موعد عمليتي القيصريه

طبعآ رحت المستشفى وكنت مستعده المهم رحت للدكتوره اللي كانت ناويه على عمري للأسف ليس لديها امانه للأسف كدت اسلم روحي لإنسانه ماتخاف ربها المهم انها جلست تتحايل على مدير قسم التوليد والاستشاري بنفس الوقت وهو رافض طبعآ تكلمه عالهاتف المهم انتهت من مكالمتها وقالت روحوا عنده رحنا انا وزوجي لعنده تخيلوا وش قال لحسن الحظ انه رجل امين ويخاف الله قال احنا ماعندنا عنايه مركزه ولا استشاري للقلب ولو احتمال خطر واحد بالميه ماراح اقبل العمليه وقال لازم يكون في استشاري قلب مع انه حالتك بسيطه ولله الحمد لكن لازم نحط احتمال لكل شيء سألته حتى لو كان تخدير نصفي قال نعم لانه ممكن ينخفض ظغطك وقتها ويتأثر القلب وقال انه الدكتوره تتحايل فيه من امس وهو رافض لانه خايف من مضاعفات ممكن تصير لي الله يوفقه اللي فتح عيوننا وماخلانا نسويها

نصحني بمستشفى ثانيه وطوالي رحت ولقيت استشاري قلب والحمدلله كان رائع في تعامله النفسي قبل كل شيء لانه يوم رحت عيوني كانت حمراء من البكاء كنت خايفه جدآ اني مالقى مستشفى زي العالم ممكن تقبل حالتي وكنت اقول ادري اني ماراح اشوف بنتي كنت ابكي من قلبي النفسيه خلاص وصلت حدها:44: طبعآ طمني جدآ وقال وقت ولادتك انا موجود واولدي طبيعي على مسؤليتي لآخر لحظه وهو يطمنا ويقول راح تجيبين عشره مافي اي مشكله:27: والمستشفى معروف بسمعته الحلوه لكن انا مدري وش خلاني اروح لذيك اللي تجيب الكآبه

الحمدلله بإذن الله بولد طبيعي ومع خوفي من الم الولاده :35:لكن لابد منه والله يجعلني اتحمل ومايصير مضاعفات لاسمح الله .

اشكر كل من دعاء لي في موضوعي السابق والله يمكن دعواتكم هي اللي بعدت شر الدكتوره عني بعد امر الله تعالى.

اتمنى انه يصير جرد للدكاتره اللي يعملون لأجل الماده فقط اتمنى ان تستخيروا يابنات قبل كل شيء انا مااستخرت لكن ربي رحمني برحمته الواسعه

اللهم لك الحمد والشكر .