صباح الخير بنات توه قريت هالايميل وموتني ضحك وروقت شوي بعد ما كنت مضايقه
اتمنى يعجبكم
واكثر شئ عجبني مضللته بالاحمر:22:
اللي كاتبها فللللللللللله
ههههههههههههههههههههه
تعلم أن اليابانيين أكثر شعوب العالم المتقدم حرماناً من العطلات ،
اذ لا يتعدى متوسط اجازاتهم تسعة أيام في العام
بينما الفرنسيون هما أصحاب النصيب الاكبر من العطلات
بمتوسط يبلغ 34.5 يوم سنوياً.
وتمنح الولايات المتحدة العاملين ثاني أقل عدد من العطلات سنويا
بمتوسط 17 يوماً يأخذ معظم العاملين منها 14 يوماً ،
ويمنح النيوزيلنديون 19.5 يوم سنوياً يستهلكون منها نحو 17
بينما يستخدم الاستراليون 16.5 يوم تقريباً من اجمالي العطلات وعددها 20 يوماً.
مساكين يا اليابانيين
صدق أنكم شعب محروم من الراحة
تهجولون في ذا الدنيا لا راحة ولا نوم ولا فلة حجاج
علشان تقدمون اختراعات تفيد الانسانية
همن بتموتون واللي ما اسلم منكم بيخلد في النار
وخلوا الانسانية وسوني ومتسوبيشي وتويوتا تنفعكم
أقول خلوكم مثلنا بس
والله ياالانسانية ما قامت ولا قعدت عندنا
فالين أم الحياة.. إجازات ونوم وتسدح وتبطح ولله الحمد والمنـّة
شوفونا
أيام السنة 365 وإجازتنا 355 يوم
الموظفين..شهر إجازة نظامية و10 ايام اضطرارية
و3 شهور تروح ما بين إجازات وفاة والديه وعمانه وعماته وخواله وخالاته
وامهاته من الرضاع وابوانه من الرضاعة واصدقاه من الرضاع
الموظف السعودي هو الوحيد في العالم اللي تتوفى له 12 جدة و12 جد في السنة..
ومنها شهرين استئذانات من المدير علشان يجدد الرخصة والاستمارة
ويضيف ولده في دفتر العائلة ويسجل ولده الثاني في المدرسة
ويطلع ولده الثالث من مرورالناصرية ..
و55 يوم يطلع من الدوام يبلغ الشرطة عن شغالته المنحاشة
و3 شهور إجازات مرضية منها شهر ونص في السنة
إجازات خلع اسنان .. تماسيح مهوب موظفين
وبعدين مدري وش ذا الاسنان اللي يخلعونها وتنبت ..
تصدقون يا جماعة ان بعضهم يكون باقي عليه ويتقاعد سنتين
ويجيب إجازة مرضية بسبب خلع ضرس عقل
واللي موقع الاجازة طبيب نساء وولادة
والطلاب والطالبات إجازات الصيف 3 شهور
ومعها مكرمة من أهالي الطلاب نص شهر
وإجازة حج 20 يوم
معها مكرمة 10 أيام من أهالي الطلاب والطالبات
و10 أيام إجازات نص السنة
ومعها 15 يوم مكرمة من أهالي الطلاب والطالبات
وإجازة ربيع ومعها 15 يوم مكرمة من أهالي الطلاب والطالبات
وإجازات أمطار وإجازات غبار
وغيابات بسبب الانفلونزات
وغيابات للطلاب بسبب هزايم فرقهم..
واللي مسكوه المرور وخلوه يفك أنوار الزينون
وعلم أبوه ولعن جدفه ..وتعبت نفسيته
وغيابات للطالبات بسبب ان بطونهم توجعهم
وغياب لان نفسياتهم تعبانة ..
وأسباب تعب نفسيات البنات متعددة
اللي قصت شعرها وطلع وع
واللي محد عطاها وجه على البي بي
واللي طلعت لها حبة شباب في خشمها
وقاعدة طول الليل تراقب ذا الحبة لين تعبت نفسيتها ..
صارت ميسي مهيب حبة شباب
الزبدة إن الطلاب ما يصفى لهم من دراسة ال8 شهور إلا 18 يوم
أما المدرسات والموظفات فحدث يا أها بس ولا حرج
إجازات مثل الإجازات الرسمية للطلاب والطالبات
وأضيفوا لها إجازات مرضية أثناء الحمل
وإجازات نفاس ممكن توصل ل 3 شهور
عشان كذا ذا المدرسات هم أكثر من يحمل ويولد
بزعمها إنها بتكثر أمة الاسلام وهي تبي تتبطح وتتسدّح
طبعا إضافة للإجازات المرضية بأنواعها
المدرسة تراجع كل التخصصات الطبية علشان تجيب منهم إجازة
أسنان وأنف وأذن وباطنية وبولية وجلدية ونساء وولادة
وعظام وإصابات ملاعب
وإجازه علشان فيها ضيقة وشاكة إنها منظولة
على طاري الضيقة ..
قسم لو للرقاة الشرعيين صلاحيات منح إجازات مرضية
إن ما تلقون مداوم في مدارس البنات إلا البواب والفرّاشة و5 طالبات دافورات
نرجع لمحور حديثنا ..
وغياب بعض أيام الأربعاء لأنها بتروح لزواج
ولازم تمسك سرا عند الكوافيرة من الضحى
وإجازة مرضية بعض أيام السبت لأنها كانت عازمتن حمولتها وتعبت
مع إن حمولتها كانوا عندها يوم الأربعاء ..
الحين الشغالة هي اللي تتعب والمدرسة هي اللي تاخذ إجازة!!!
يمكن علشان تسوي الغداء بدل الشغالة ذاك اليوم ... إيه هين !
أنا اقترح اقتراح بيفيد الانسانية
وهو أننا نتناسب حنا واليابانيين
نتزوج منهم ويتزوجون منا
نعطيهم مما أعطانا الله من زود العيون
ويعطونا مما أعطاهم الله من زود العقول
نعطيهم مما أعطانا الله من الحرص على المظهر
ويعطونا مما أعطاهم الله من الحرص على الجوهر
وبكذا بننتج للانسانية نسل يحبه قلبها..
والله يا انها بتنبسط فينا ذا الانسانية
هاه !!
لا لا
هونت عن اقتراحي
أخاف إن تاثيرنا يكون أقوى
في الفهاوة والدلاخة والرفالة والربادة
وتاثيرهم يكون أقوى في صغر العيون وحب الجوهر
و تطلع عندنا سلاله تحوم التسبد
همن عاد تقعد بها الانسانية ..
دلاخة وعيونن نقوب ..
ولا مظهر ولا جوهر ولا سوني ولا متسوبيشي
ولا حتى تويوتا يارس قيير عادي
الحنونة_83 @alhnon_83
محررة
يلزم عليك تسجيل الدخول أولًا لكتابة تعليق.
the raspberry
•
رووووووووعه تسلمييين احلى شئ اللي بالاحمر ههههههههههههههه
رووووووووعه تسلمييين احلى شئ اللي بالاحمر هههههههههههههههرووووووووعه تسلمييين احلى شئ اللي بالاحمر ههههههههههههههه
خخخخخخخ
يسلم عيونك حبيبتي
يسلم عيونك حبيبتي
الصفحة الأخيرة