الطلبية الرابعة لكحل أمنيتي ((خاص لبنات الإمارات))

مرحبا خواتي

مثل ما الأغلبية عارفين ..
انا طلبنا الطلبية الأولى وعقبها الثانية والثالثة..
والحمدلله تمت بســــــــــــــــــلام ..
وتم التوزيع على اللي طلبوا ..
وحاليا فيه مجموعة يديدة طلبوا من الكحل ..
وبعضهم من الدخون الدوسري..
عشان جيه قلت نرتب الطلبية الرابعة في هالموضوع ..

فأي وحدة حابة ..
تحولي 60 درهم لحسابي عن كل غرشة ..
تباها سواء كحل أو دخون..
والرجاء التحويل من الحين ..
مو تتريون لين يوصل الكحل ..
وعقب أقعد أدوركم وحدة وحدة ..
ويوم تخلص الكمية تلوموني ..
مافيه حجز .. اللي تبا تدفع وبينحجز ذيك الساعة ..
فاللي حابة تاخذ منه ..
ترسلي عالخاص اسمها وموبايلها والامارة ..
وبطرشلها رقم حسابي .. تحول المبلغ ..
أو تقدر تدش هالرابط وبتلاقي رقــــم حســــابي


وعقب ما يوصل ..
بطرشه لكل وحدة دفعت لبيتها عن طريق الأرامكس ..
25 درهم للتوصيل .. انتوا تدفعونها طبعا
واللي من بوظبي وعندها دريول تقدر ترسلي اياه على راحتها ..
أو تقدرون تسوون مجموعات من كل إمارة وأطرشلكم مرة وحدة ..
مثل ما سوينا في الطلبيات السابقة ..
اللي حابة تشوف موضوع الطلبية الأولى تتفضل هنيه
والطلبية الثانية تتفضل هنيه
والطلبية الثالثة تمت في آخر موضوع الطلبية الأولى ..




وكل وحدة تطلب من الكحل بسجل اسمها هنيه ..
ويوم تدفع أأكد دفعها هنيه ..
أحسن يكون كل شي عالعام .. عشان تتابعون الموضوع كلكم أول بأول ..

وايد بنات وصوني اخبرهم اذا طلبت مرة ثانية ..
حاولت أتذكرهم أمس وطرشت لهم كلهم ..
واللي موصتني وما تذكرتها تسامحني .. تراني نساية درجة أولى ..


يالله نبدا اللستة ..



حلا الإمارات ----------- 1 ----------- الفجيرة
مون -------------2 ----------- ؟
شيخانة ------------------2 ----------- دبي
الأمنيات الثلاث ---------- 1 ----------- ؟ (وتبا دخون دوسري)
كوكي ---------- 1 ------------ ؟


العدد المطلووووووب = 7 كحل - 1 دخون

اللي بالأحمر دافعين







يالله ننتظر البقية