مشكلتي الحزينة مع تاجي اتمنى ان اجد الامل في عودته

بسم الله الرحمن الرحيم
احلى تحية عطره ملؤها الحب والمودة الى احلى وردات ,كناري عالم حواء
انا عضوة جديدة في هذا المنتدى الرائع اتمنى ان اكون واظل احلى كناري عرفتوها ونظل
مع بعض احلى من الكناري نفسه:heart:
مع العلم هذه اول مرة اشترك فيها في منتدى ويالله فاتحة خير:icon28:
عموما انا واجهتني مشكلة من زماااااااااان منذ ان كنت في المتوسط لكن وقتها ماكانت بالنسبة لي مشكلة الين ما كبرت واصبحت في العشرين صارت مشكلة من جد تبكيني كل يوم ووصلت لحالة يأستني اني حألاقي حل لها واتنمى من كل قلبي انكم تعيدولي الامل المفقود وتلاقولي حل في هذه المشكلة :29: وهي كالتالي:
من يوم ما ولدت والى مرحلة سادس ابتدائي وانا املك شعر الين ظهري ومتوسط الكثافة
ومن مرحلة المتوسط وفي اول سنة واضح اني عصبت من رياضيات المتوسط وتوابعه فقصيت شعري الين تحت اذني بعدها توالت القصات والصبغات الى ثاني ثانوي وبما اني احب التجديد وما احب الشعر الاسود ولا احب اطلع لمدة طويلة بلوك واحد كنت كل سنة اصبغ وقص بشكل جديدوكل ماله شعري يخف والى مرحلة ثالث ثانوي وهذه المرحلة الحاسمة
كنت ابغى اصبغ شعري بلون احمر فقالتلي واحدة حأدلك على كوفيرة جنان يتدربوا تحتها بنات كثيرتعملك هذا اللون لانة مو زي اي صبغة هذه يحتاجلها مهارة ورحت وشفت العيد في شعري وصرت انا الضحية وبدل ما تدرب صارت تتدرب علي وبعدها بدأت رحلة المعاناة الحقيقية صار شعري خفيييييييييييييييييييييييييييف مرة لدرجة ان فروة راسي تبان بوضوح ومافي اي شعر يسترها وجااااااااااااف على الاخر ويتساقط :icon33: وكل ماروح مناسبة او زواج اوعند ناس وحتى في البيت صار ضروري اسمع تعليقات تجرحني خلتني اكره الخرجات والناس علما بإني مرررة اجتماعية وحبوبة وما احب قعدة البيت وصرت كل ماروح مكان لازم تجي واحدة وتوصي ماما على شعري او تعزيها فيه ولا وبعضهم يقولولها بنتك مااحد حيتزوجها بهذا الشكل شوفيلها حل وحتى الكوفيرة ماسلمت متها وصرت شماتة الخلق اتصوروا حتى اخوية يقولي البسي باروكة كيف حتروحي مناسبة بشعر شبه مو موجود ورحت عند دكتور جلدية وقالي ترا مافي امل في شعرك وحافظي على الباقي وبكذا زادت مأساتي :11retcher وخاصة وانا في الكلية وعاد هناك بنات مايقصروا يدقوا وينقوا ويزيد حزني يوم عن يوم وانا اشوف حالي وحال البنات حولي وحاولت اعمل اشياء كثيرة ولكن بدون فايدة ولكني مايئست من رحمة ربي وانا عارفة انه قادر على كل شي وانا عارفه انكم مش حتقصرون معايا:tongue3:
هذا بالمختصر قصة مأساتي مع شعري انا حكيتلكم اياها وكلي امل انكم تعيدولي الامل من جديد وتساعدوني بفضل الله ثم بفضل وصفاتكم انه يرجع شعري لسابق عهده واحسن
فما اوصيكم :S_45: لا تبخلوا علي بأي شي تدرون انه حينفعني وانا مش حأنساكم من دعواتي في جوف الليل لا تنسوا انكم بكذا انقذتوا واحدة من مأساة سنيييييييييين
وتسلموا وااااااااااااااااااسفة على الاطالة وتقبلوا تحيات محبتكم احلى كناري:26: