يامل قلب به جروح يقاسيها

السلام عليكم ورحمة الله وبركاته000000000000
إشتقت كثيرا إلى هذه الواحه وزهورها وتغريد طيورها00000000
*************
*********
قدر الله عز شأنه سبحانه أن يكون عمل أخي أبا محمد ((رحمه الله))في مدينه بعيده عن أهله0وبيت القصيد (بعيد عن أمه)00000000
وقال الكثير من القصائد تخص هذا الموضوع 00ونرى خلال ابياته غفرالله له صدق المشاعر والحنين إلى أمه00وإليكم هذه الأبيات00000000

يامل قلب(ن) به جروح(ن) يقاسيها******** ويامل عين(ن) بكت لين إنتهى ماها

ويامل روح(ن) كثيرات(ن) شكاويها********* ويامل نفس(ن) ظلام الحزن غطاها

الناس تشقى وترتاح ابتواليها ********* وتحزن وتفرح وهذي حال دنياها

وأنا الشقا والحزن روحي إمخاويها********** خيم على الروح مااظن إيتعداها

وأسباب مازود لنفسي بلاويها************ وأشعل بكبدي لهيب النار يصلاها

فارقت دار(ن) لعل الله يسقيها********** فارقتها غصب ماودي بفرقاها

ياحيلة الله بنفسي من يسليها********* عن التي يااخوي مااقدرأنا اسلاها

لولا الرجا بالولي والله مااخليها******** فرقاها لولا الأمل والله ماارضاها

أدله النفس وأخفف مكاويها**** بالتيلفون أتصل واطلب امحاكاها

وآخذ علومه وكل علومي اعطيها****** أشرح لها الحال من اقصاها إلى ادناها

ترتاح نفسي إلى من صرت احاكيها******** ويخف هم(ن) بوسط الروح عنَاها

وأدعي لها الله من قلبي يخليها********* اللي رعتنا طلبت الله يرعاها

بالروح والمال أنا والله لأافديها***** وأمشي على كيفها والله مااعصاها

وصاني الله وبين لي معانيها***** يغضب إذا أغضبتها وأرضيه برضاها

الوالده ياعرب مااحد(ن) يساويها******* الوالده ياإخواني لا عدمناها

تسعة شهور(ن) بنا مااحد(ن) يشاكيها******* من بعدهن يالعرب ياشين ماجاها

اسواتها مستحيل احد(ن) يسويها***** والنار ماتحرق إلا شخص ياطاها

أناأشهد إني بصغري كنت مشقيها********* يالله برجواك أنا تلحقني إرضاها

مادامني عايش(ن) والله لاهنيها******** والله مااخيب لها ياأخوي مسعاها

أبعدت عنها وقلبي بين اياديها******* وأرجي عسى الله يلم الشمل وياها

والدنيا لو تبتسم لاتنخدع فيها******** الدنيا غدارة مهما صفى ماها

دنياك تسقيك مر(ن) عقب حاليها****** وإبشر بخيبتك كان إنك ترجاها

وماقل يكفي وأنا ماودي أنهيها**** وواللي زرع يحصد زروعه ويجناها

أزكى صلاة(ن( على الشفيع نهديها***** بالختم 0ويالله حياتي تحسن أتلاها00(له الحمد ربي حياتك أحسن أتلاها)

***********
جمعنا ربنا بجنته بفضله ومنته 00ورزقنا الصبر والسلوان على فراقه

أرجو ممن قرأ هذه الأبيات ان يدعو لكاتبها000أبامحمد رحمه الله وأسكنه الفردوس الأعلى0

***********
أختكم شعور