اخوي ماات ,,,,

السلام عليكم

الموضوع مثل ماهو واضح

انا اخوي توفى الاسبوع اللي راح ,, والله ماني قادره انساه
كل مكان ادخله بالبيت اتذكره ,,

خبر موته كان فاجعه والله ماني معترضه على قدر ربي بس والله اوقات احس كانه حلم
اطالع بالباب اقول الحين يدخل علينا وهو يضحك

احسن واحد اخلاق بالبيت هو ,,, حبيب ومايرد لاحد طلب ,,
انا متزوجه وساكنه بمنطقه ثانيه بس يقولون لي انه الفتره الاخيره مايخلي صلاة الوتر ودايم يقرا قران

قبل يموت بيوم كان يقولي انا احاول اقرا قران كل يوم بس احيان انسى
كان يقول اذا جبت درجات حلوه تتوقعين يشترون لي سيارة جديده !!!
مادرا انه بيودع الدنيا ومعد بنشوفه

والله ما انسى شكله يوم سلمنا عليه
كان كانه نااااايم ووجهه افتح من دايم ,,,

ابي ارتااح احس فيني غصه من فراقه ,,, بس اقرا محادثاتي معاه وكل مااشوف اسمه احس بحرقه
ودي لو يرجع واضممممه ودي لو يرجع واشوفه قدامي

لما اشوف اخوي الثاني اللي معاه دايم يتقطع قلبي اقول ليته جنبه واشوفهم سوا
اااااه بس يااااارب ,,

اوقات افكر اقول انا مقصره معه ماكنت اكلمه دايم بس اسال امي عنه لاكلمتها ,, احيان اقول تفكيري هذا كله من الشيطان ,,
كنت دايم اقرا مواضيع احد كاتب عن احد قريب متوفي له بس كنت احسب انه الموت بعيد عننا وماحطيت ببالي اني بكتب هالموضوع ,,

معد لي خلق احد ولا لي خلق الناس ولا ابي اشوف احد ,,

حتى زوجي بيروح الاسبوع الجاي جده عنده اختبارات ويبغاني اروح معاه ومخيرني عشان نفسيتي وانا بين وبين !!

احس ماودي اروح لاحد وبس ابي اكون عند امي

ادري جلستي ماراح تغير بالوضع شي وانه راح لربي وخلاص بس والله تعبانه

يابنات

صحيح اللي يكون كانه نايم من علامات حسن الخاتمه !!!
وهل اللي يكون ميت على معصية يوضح على وجهه ,,,,

هو الحمد لله الكل يمدح فيه كل من سلم عليه يقول وجهه منور ومرتاح كانه نايم بس انا ابليس ذبحني بس افكر وبس اوسوس
والله تعبت تعبببببببببت