هلا حبيباتي


اللقيمات السمرا أنا دايم أسويها عمري ما أسوي قيمات (الدقيق الأبيض )


طريقتها سهله


جربيها طبعا هي طرق وأذواق


جيبي الزبدية اللي للعجن


حطي فيها ملح حسب رغبتك وسكر برضوا حسب رغبتهك أنا أحط وأذوق لما أحس الطعم زين

بعدي حطي عليها كأس حليب جاف

وملعقةخميرة فورية

ورشة سويدا وإذا حابة حطي شمر وإذا حابة حطي سمسم أنا أحط سويدا بس

بعدين سخني الموية على النار حتى تدفا لا تصير حارة تموت الخميرة هههههههه

صبي كأس ماء واضربيها بالمخض اليدي حركيها لين يذوب السكر والملح والخميرة وذوقي زيدي ملح أو سكر على مزاجك

بعدين حطي عليها 3 كاسات دقيق شوي شوي وزيدي ماء ودقيق لين تخلصي الثلاث كاسات دقيق ويصير قوامها ناعم واياك تلمسيها بيدك كلش بالمضرب اليدوي :)
وحتى تكون ناعمة أكثر استخدمي الدقيق المطاحن ( القصمي ، الجنوبي ...) أقصد اللي مو دقيق الصوامع اللي تأخذيه بالكيلو

أنا عمري ما استخدمت الصوامع في القيمات

تصير قيماتي لينه وطرية منفوخة وطعمها حلو سببه الحليب والدقيق المطاحن


اتركيها تخمر من 45 - ساعة أنا شفت ناس يسوهها الساعة 6 عاجنتها من 3 وييييييييييييييييين

أنا إذا وصلت ساعة ألقاها منتفخة مرة ما تعجبين

بعدين سخني زين القلي ( نصيحة احذري زيت الطبخ في القيمات تراه يخربها )

ابدي اطريحيها هههههههههههههههههه هذا مصطلحنا :) يعني حطي يدك اليسرى في العجينة واضغطي ويدك اليمنى فيها ملعقة واغمسيها في الماء حاطته عشان ما تلصق العجينة بالملعقة واضغطي بالسيرى وتطلع العجينة من بين السبابة والابهام وخذيها بالملعقة وارميها في زيت غزير واطرحي اطرحي حسب اتساع قدرك وخليها لما تصير ذهبية وطلعيها في ناس يحسبونها لحم يخلووووها تطول بالزيت

طيها في الشغال وتقدم طازجة خلال ساعة من إعدادها يعني طول ساعة تظل حلوة :)


أووف تعبت

ماشـــــــــاء الله


عساك ع القــوه ياااااارب

وربي يعينكـ ويعطيكـ العاااااااااااافيه

مختصر عجينة اللقيمات لـ خياطة

3 كاسات دقيق أسمر دقيق المطاحن مو دقيقنا العادي (جربي العادي )<<<< خلاص وش دخلك كملي :)
كأس حليب جاف
نصف ملعقة خميرة فورية
سكر وملح حسب الرغبة
رشة سويدا ( أو شمر أو سمسم ) للأهمية أنا جربت السمسم ما ضبط معي اخترق في الزيت صارت القيمات منقطة ههههههه

ماء دافء بمقادر كأسين أو ما يعجن مقدار الدقيق للحصول على عجينة لينة ....

والطريقة في الرد السابق

على فكرة أبو زوجي أخذ منها للبيت :)

الله يعطيك العافيه

ماشاء الله تبارك الرحمن