جست دريم

جست دريم @gst_drym

محررة فضية

المبدعه بالجريش تتفضل

اطباق عالم حواء

السلام عليكم ورحمة الله وبركاته
وبعد

ابي طريقه الجريش بالتفصيل الممل
واي افضل نوع جريش
وايش احلى بهارات اللي احطها مع حمسة البصل فوق الجريش
اشوف بعضهم يحطونه حمسة طماط تهبببببل
وجزاكم الله كل خير
8
4K

يلزم عليك تسجيل الدخول أولًا لكتابة تعليق.

تسجيل دخول

blanches
blanches
الجريش إلي اسويه بالضغط رهيب و يعجب كل من ذاقه 
الطريقه 
لكل كوب جريش نص كوب رز " ينقع اقل شئ نص ساعه 
و في قدر الضغط دجاجه بدون جلد بصله مقطعه ارباع و طماطمه ارباع 
و مكعبين ماجي " لازم ماجي مو اي ماركه ثانيه " و تضيفي لتر مويه مغليه و ملح 
و تضيفي الجريش و الرز 
و تضغطينه و لما ياشر وطي النار و احسبي له 30 دقيقه 
و بعد ما تتطفي عليه طلعي الطماط و البصل إلي م انهرس إذا حابه تخلينهم احسن " انا احبها تعطي شكل و طعم " 
و طلعي الدجاج و شيلي العظم و نتفي الدجاج و رجعيه للقدر 
زيدي مويه 
و حطي 4 ملاعق كبار حليب و شعلي النار ووطي عليه 
و خليه نص ساعه مع التحريك و حاولي تهرسي الجريش بالملعقه 
و طفي عليه و حضريه 
و ادعي لي 
بالنسبه للبصل انا اقطع البصل شرايح و احمصها مع زيت و إذا استوت احط زبده و قطعه تمر تنك اذوبها
مره تعطي نكه جناااااان  
اريج 2010
اريج 2010
وعليكم السلام
بقولك طريقتي وصراحه الكل يمدحها الحمد لله
انا اجيب جريش من الوطنيه ممتاز ويستوي بسرعه
اول شي اغسل الجريش وانضفه تنضيييف بعدين انقعه بمويا ساخن
افرم بصل وثوم واكشنه زييين بزيت كثير شوي عشان ماتكون الجريش ناشف
واحط كمون او بهارات منوعه وملح بعدين انشف الجريش من المويا واحطه على الكشنه واقلبه لين ياخذ الطعم والنكهه
واحط مويا ونصف علبة حليب طازج واحركه زين حتى يتجانس اخليه على نار متوسطه ربع ساعه بعدين احركه مره ثانيه واقصر على النار مررره اخليها واطيه حييل عشان يطبخ على راحته ومايحترق
بعد ثلاث ساعات احركه زين قبل التقديم
وانا احط على الوجه خضار مقطعه صغير مع لحم او دجاج
واحيان احط سمن غنم واحط مسمنه اشريها من عند الحريم الي بالسوق طعمها روووعه
واذا ماعندي اكشن بصل كثير بزيت كثير واذا ذاب احط عليه ليمون اسود مطحون مع قرفه وشوي سكر
واقلبه لين يتجانس ويطلع حلو
هاذي طريقتي ممتازه ولذيذه اتمنى تعجبك وتضبط معاك
ام سعوود2009
ام سعوود2009
سويه بقدر الضغط احلى شي يطلع جنان وحطي معاه كاسه رز مصري
امي حياتي2
امي حياتي2
رفع
سبيشل مول
سبيشل مول
فووووووووووق