الله يصلحج ويصلح زوجج
حبيبتي مهما وصلتي لمرحله من العصبيه المفروض ما تمدين يدج على الياهله
لان كل ما عاملتيها بعنف راح تزيد شقاوتها وما راح تحلين المشكله بالعكس راح
تعقدينها اول شئ انا اثرته ضرب الطفله لانه اهم بالنسبه لي من ضربج
ترى بالضبط مثل ما انتي تتألمين وتنحرجين وتنجرحين ترى الطفله مثل الشئ
حاولي تتعاملين معاها بسياسه وطولت بال الله يخليج
كم يؤلمني ان اشوف منظر مثل هذا ويقززني

بعدين ابو العيال الله يهديه يمكن شاف انج زودتيها بضرب الطفله خصوصا ان سنها مو سن ضرب
لانها ما راح تفهم انها تضرب على شئ غلط بس راح تعرف انج تعاملينها بعنف و شئ يألمها لا غير
المفروض اهو يتعامل معج بأسلوب ارقى من جذي على الاقل يزعل عليج علشان يبين لج ان ضرب بنته
يأثر فيه كثير بس ما توصل لرفع اليد على الزوجه ولا تعوديه يستسهل انه يمد يده ترى بعدين صعب تمنعينه
يعني لازم تقعدين معاه وتكلمينه ان الي سواه غلط وانتي ما تقبلينه بأي شكل من الاشكل ولا تحت اي ظرف من
الظروف

الله يصلحكم يارب و اتمنى انج تتقبلين كلامي برحابة صدر ووساعه والله يخلي لج زوجج وبنتج والي ببطنج يارب

نفس حالة ولدي الله يصلحهم ويهديهم

اللي تقول الله يهدي زوجك اصلا زوجك ما اخطى تستاهلي قهرتيني
ليه تضربيها والله رحمتها لو اشوفها بضمها وابكي قطعت قلبي
من الكسل اللي فيها ماتبغاك تنامين تقومك تبغى احد تلعب معاه
وليه تحملين وهي صغيره
انت السبب تحملي ماجاك
والا حطيها عند اهلك خليها تنفس شوي

اعرف ردي قاسي شوي بس تحمليني

اولا مافيه داعي لتجريح والكلام القاسي  وبعدين أنا ماكتبت مشكلتي إلا لأني عارفه ان تصرفي غلط وابغى من الأخوات إلي عندهم طفلين او ثلاثه تساعدني في طريقة التعامل الصحيحه
ثانيا الاخت إلي تقول كان ما حملتي الحمل مو بيدي ولابيدك هذا شي بيد رب العالمين والحمدالله رب العالمين والله يكتب إلي فيه الخير للجميع