السلام عليكم ورحمة الله
أحس انه كلام اختنا الغزيل مقنع جداً

خصوصاً انها تروح للزبونة لحد بيتها وعلى حسابها
وانتوا احسبوا اذا حد من الصوالين ياكم البيت كم بياخذ؟
اذا اسعارهم 250 درهم على المكياج الاسبشل
الصراحة السعر وايد مناسب
لانها مثل ما قلت تروح لحد البيت

وهذا غير الكميات الكبيرة من انواع الآيشدوهات وكريمات الاساس والبودرات والكونسيلرز وغيرها من الألوان اللي لازم تناسب بشرة الزبونة
يعني كمية الميك أب اللي بيشتريها الصالون بكبره لازم يكون متوفر عند البنت اللي بتمكيج
وهذا بروحه يباله ميزانية
غير المواصلات

وبعدين شغلهم مب مضمون
مرات ايونها زباين
ومرات ركوووود
خصوصاً انهم معتمدين عالمكياج بس في شغلهم

سبحان الله كنت فالبداية اول ما قريت الموضوع قلت صح كلامها
وبعدين يوم قريت رد اختنا الغزيل فكرت فالموضوع واقتنعت بكلامها

هاي وجهة نظري
والسموحة

بس نسيت انبه على نقطة وهي :

""تركيب الرموش ""

بنات يزاكم الله خير اللي يمكيجن واللي يتمكيجن
ما يجوز تركبن رموش حتى لو كانت مؤقتة
لان مثلها مثل توصيل الشعر او الباروكة

ومعروف حديث رسول الله صلى الله عليه وسلم :
(لعن الله الواصلة والمستوصلة، والواشمة والمستوشمة). صحيح البخاري الجامع الصحيح 5933


ورواية اخرى:
"أن امرأة جاءت إلى رسول الله صلى الله عليه وسلم فقالت : إني أنكحت ابنتي، ثم أصابها شكوى، فتمزق رأسها، وزوجها يستحثني بها، أفأصل رأسها؟ فسب رسول الله صلى الله عليه وسلم : الواصلة والمستوصلة".
صحيح البخاري الجامع الصحيح 5935

فالبنت هاي كانت تشكو من مرض في رأسها ولم يأذن لها النبي عليه الصلاة والسلام
وليست كالتي تصل للتزين
فهذي من باب اولى انه يكون محرم عليها


فاتقوا اللعن اخواتي في الله
واللعن هو الطرد من رحمة الله

ومنو منا يقدر يتحمل الطرد من رحمة الله على شي مايسوى؟؟!!
واذا طردنا الله سبحانه من رحمته فمن بيرحمنا؟!
والسموحة

كل الشكر للخت الطير المهاجر على ردها والله يالغالية اشكرج من كل قلبي :) واتمنى الكل يفكر بالموضوع :) ويعرفوون ان نحن صدق اسعارنا مناسبة

أسعاركم حلوه وانا معاكم . . بالنسبه لروحتكم وييتكم في كل البلاد .

بس ما ادري. . الوحده بعدها تخاف تخاطر في مناسبه مهمه عند حد ما كد جربته. .

أنا في خاطري اجربكن كلكن والله بس ماشي مناسبات عندي وللأسف. .

والله يوفقكن تستاهلن كل خير

مشكورة للاخت شوق وذوق وبنوته سعودية على الردود الحلوة .................... وابصراحة يا اخت شوق وذوق التجربه خير برهان ولازم الواحد يجازف عسب يعرف الحلو من اللي مب حلو
:)