ما شاء الله ررررررررررررروعة وشغل مرتب
بس شنو الطريقة الثانية من غير عدس
ما شاء الله ررررررررررررروعة وشغل مرتب
بس شنو الطريقة الثانية من غير عدس
شمس والقمر :ما شاء الله ررررررررررررروعة وشغل مرتب بس شنو الطريقة الثانية من غير عدسما شاء الله ررررررررررررروعة وشغل مرتب بس شنو الطريقة الثانية من غير عدس
شقاوة فراشه :ما شاء الله ررررررررررررروعةما شاء الله ررررررررررررروعة
هو يكون رز عادي لكن اشتري كل 5 كيلو مع بعض
يعني استعمله للكبه والدولمه والمحاشي
احسن ما استعمل الرز البسمتي او النوع الحلو الي استعمله بطبخ الرز وحده مع مرق او شي ثاني
لان اول وتالي بالكبه راح ينعجن الرز يعني ما راح يبين اذا كان مكسر او صاحي
طبخ الرز بالعراق له الف طريقه
ما عرفت قصدج يعني هو اكل كبه ولا رز مطبوخ مع لحم
اذا رز مطبوخ مع لحم هذي اكله نسميها ( هبيط)
هي طبخ اللحم بروحه كانه تشريب بس يكون لحم ونومي اسود وبهارات وبصل
تحمسين اللحم لما يقرب على الاستواء بعدها تضيفين له ماء مغلي والنومي والبهارات الحلوه والبصل شرايح كبار
لما يطبخ عدل ويستوي
تاخذين من ماء الهبيط وتطبخين بيها الرز طبخ عادي
تغرفين الرز بصحن كبير وتحطين فوقه شعريه محموسه ولوز وكشمش وتحطين اللحم فوقهم وتقدميه حار
وفي نفس الاكله يعني قريبه عليه نسميها ( دليميه)
هذي عاد اعلى من نار على علم بالعراق ومطاعم العراق
هي نفس الطريقه
لكن قبل ما تغرفين الرز بالصحين
تنقعين كم خبزه بماء اللحم يعني مثل التشريب
وتحطين هل خبز المتنقع تحت الرز وبعده تغرفين الرز وتحطين الحشو فوق وفوقه اللحم بعد
وتقدميه مع كاسات من ماء اللحم وسلطه ولبن
واذا هو قصده شي ثاني
حاولي اعرفه منه شنو الي اكله وان شاء الله نعرف اسمه
مشكوره على مرورج الكريم