الله يعيدة علينا وعليكم بصحة وسلامة، نقوم الصبح ونصلي العيد نرجع البيت نلبس ونكشخ ونروح اهل زوجي نجلس ساعة نروح بيت أهلي يصير الفطور عندهم بعدين انعيد على خالاتي وعماتي ونرجع للبيت ننام وثاني العيد حاجزين شالية يعننااا نغير جوو

أنا أول الصبح ازور جارتي حرمة كبيرة ووحيدة نروح لها انا وزوجي .. وبعدها

بيت عمتي ام زوجي ... اعتقد من الضحى واتغدىوبعدين نطلع .. مااعتقد اني اقدر اطول اكثر .. لاني الحمل وايد متعبني ومااقدر اقعد طول الوقت ملفوفة بعباتي ..

عقب الغدا رقاااد ..
والعصر سلام وقافي على باقي الاهل عند الباب مثل ما قلت حالتي الصحية ما تسمح ..


ثاني يوم بروح بيت اهلي وبقعد يومين ان شاء الله ... لأن بيتهم بعيييد .. وسلامتكم ..

مرحبا حبيبتى انا عيدى هاسنة فى بيتى انا وعيالى :44:

ناس فرحانة وناس حزينة الله يرحم حالنا
من بعد ماتزوجت ماأعرف طعم للعيد

كل عــــــــــام وانتم بالف خيــــر
حنا يوم العيد نصلي العيد بعدين نرجع للبيت نلبس ونتكشخ ونتزين ونروح لعيد اهل زوجي طبعا عيد كبير مررره ونرجع مع اذان الظهر للبيت ننام لين المغرب انا اروح لبيت جدي اعيد عمومتي وعماتي واهلي هناك وبعد صلاة العشاء ارجع لبيت اهل زوجي نسهر هنااك
من بكرى العصر استراحه لخوال زوجي نروح لمهم
ثالث العيد استراحي لعمومتي وبس