فوائد الصدقه ومانغفل عنه ،ارقام محتاجين

الملتقى العام

السلام عليكم خواتي حوائيات وكيفكم ان شاء الله بخير وصحه وسلامه
كل منا يعرف ماللصدقه من فوائد فهي من اسباب زوال الهم وجلب الخير ودفع المصائب
بس الملاحظ في مجتمعنا انه غالب الصدقات حتى الزكاة مايكون اخراجها الافي شهر رمضان وفي عشره ذي الحجة
فالمحتاج يجيه الخير بهالشهرين وباقي شهور السنه الله بس اللي يعلم بحاله
والله يانا اسمع عن محتاجين شي يعور القلب واحد كلمه الوالد الله يطول في عمره وقاله تاخذ زكاة الفطر قال اخذ فضلة عشاكم واشبع بها هالجوعانين اللي عندي وحنا عيالنا ماعاد يملا عينهم وجبات ماك ولابرجر كنج مايبغون الا ابل بيز وفرايدز وتشيليز وغيرها
وواحد منهم يقول قربت الدراسه ومابقالها الا يومين ومامعي الاحق اكلهم في هالايام اللي باقيه لين ينزل الراتب
وبنتي تبكي تقول يابابا ماشريت اغراض المدرسه ولا دفتر جديد
وحنا بهالوقت تلقين اطفالنا شايلين شنطهم ومطقمين بعد البرايه والمساحه والدفاتر والمقالم وكل شي نفس الشنطه وحساب الواحد فيهم يمكن فوق 500 ريال
وناسين هالمساكين
اللي يمكن دعوة واحد منهم تكفيك انت وعيالك شر شوارع الرياض وزحمتها
ونفس الشي عند دخلة البرد نتقضى ونشتري ونطقم ويمكن الواحد فينا يطقله بلوفر اوجكيت لنفسه او لواحد من عياله من بربري او ديور او اي ماركه اويمكن تشتهي الوحده لنفسها شنطه
من ال في ب5 الاف او اكثر او من غوتش او بربري اوديور او شنيل وغيرها وهو مافكر بفقير محتار وش يعشي عياله الليله ومحفظته مافيه ولا ريال انا ماقول احرمي نفسك بس ياريت لما تدفعين الخمس الاف تتذكرين هالمساكين وتطلعين لو ميه صدقه تكفيك مصيبه
وعشان هالوقت تكثر فيه الصدقات وفيه ناس مايعرفون وين يحطون صدقتهم لانهم مايعرفون محتاجين
حتى اللي بيطلعونه من ضحيتهم للمسكين يضيقون وين يودونه فتلقينهم يعطونه اي احد كتبت الموضوع هذا عشان اللي محتاجه ارقام محتاجين تجي وتطلبهم واللي عندها ارقام تكتب هم باي مدينه باي حي عشان نسهل على الناس الوصوول للمساكين والمحتاجين بس بدون ارقام اللي تبي الرقم تطلبه على الخاص
ولاتنسون الدال على الخير كفاعله
27
2K

يلزم عليك تسجيل الدخول أولًا لكتابة تعليق.

تسجيل دخول

فدا عيونه
فدا عيونه
وعن نفسي اعرف عوايل في الرياض في الربوه والملز والنسيم والحله وواحد يجي ياخذ اللي عندك من بيتك حتى لواثاث مستعمل لانه يبيع في الحراج اللي تبي اي رقم تطلبه على الخاص وتامر امر والله لايحرمنا الاجر
مسكني قلب زوجي
اللي تبغى ارقام اسر بالرياض والخرج تراسلني عندي أسر معدمه من شدة الفقر ،،،
فدا عيونه
فدا عيونه
اب
كـلّـي حــلــى
يالله جزاك الله خير

ياليت ترسلون لي الارقاااااااااااااااااااااام
دمع الهدب
دمع الهدب
جزاكم الله خير
الله يعطيكم العافية وتقبل الله عملكم وسع الله عليكم