البنات اللي عندهم مخطط بمواصفاتي يدخلوا ربي يدخلهم الجنه بلا حساب

السلام عليكم ورحمة الله وبركاته
عزيزاتي بنات حواء الشقرديات انا اللي اول مره اكتب في ذا القسم بالرغم اني متابعه جيده له
واليوم جايه طالبه فزعتكن :39: واسال الله العظيم رب العرش العظيم من تساعدني ان يرزقها ربي من اوسع ابوابه ويحقق لها كل امانيها ويدخلها الجنه بلا حساب قولوا امين

اريد مخطط لبيت العمر بمساحه 25 *25
اريده على مدخلين رجال ونساء
ويكون فيه مجلس الرجال كبير 5*8 وعنده دورة مياه ومغاسل وبجنبه المقلط
ويكون مجلس الحريم ماهو ببعيد عنه حتى استفيد من المقلط واقلط للنساء فيه ويكون برضوه عند مجلس النساء دوره مياه ومغاسل
اريد مطبخ حجم كويس ماتهمني الامتار 4*6 تقريبا وبجنبه مخزن مطبخ يفتح على المطبخ وتكون الابواب وراء بعض اذا فتحت باب المطبخ ماكأن فيه مخزن ليه لان بابه وراء الباب المفتوح عسى فهمتوا علي وللمخزن باب على الحوش
واريد غرفة غسيل بجانب غرفة الشغاله وعندها دورة مياه متر في منر
واريد ثلاث غرف نوم غرفة نوم رئيسيه تكون دورة المياه داخل مع غرفة ملابس فقط دواليب ومرايات
وغرفة نوم بنات تكون قريبه من غرفتي مع دورة مياه وغرفة نوم اولاد مع دورة مياه
وصاله حلوه ماتكون كبيره مره ومجلس للعائله 5*5 ولا 5*4 هه تقريبا واتمنى لو يكون التخطيط مدروس ماهو عشوائي وياليت لو يبقى من المساحه مايكفي حوش اسوي حديقه واحط به بيت شعر


انا مثل الحرمه اللي قالت لولدها هاك خمسة ريال وجيب صلصه وبصل ودجاجه وزيت والباقي رجعه ههههههههه
تكفون ساعدوني الله يجزاكم خير
ملاحظه لاتجيني وحده تقول روحي مكتب مهندس وهو يضبط لك
اريد اجتهد فيه واعدل وازين واذا خلصت اوديه لمكتب المهندس يزينه فقط