برنامجي في النفاس

السلام عليكم ورحمة الله وبركاته
كيفكم ياكروشات ان شاء الله الكل تمام
انا سويت برنامج لي في النفاس ابي رايكم فيه وهل هو متكامل والا ازيد واغير اراكم فديتكم
اولا بسم الله راح استخدم مرهم ميبو للخياطه
ومرهم بانثينول لعبدالباسط للتشققات
ولوجهي ماء ورد ونشا اخلطها مع بعض امسحبها وجهي في الليل وانام فيه
ومرطب لوجهي ليبوبيز
ولشعري (زيت خروع، زيت زيتون ، زيت الوز المر) زيوت جابر القحطاني
والغسول اللي راح استخدمه للمناطق الحساسه هو منقوع المرة مع الماء ..والماء والملح.. بالتناوب
بالاضافه للديتول يوم ويوم لا
المرطب اللي راح استخدمه للجسم واليدين والرجلين هو (جلسويد العلبه الوسط ، ونص ليمونه ، ملعقتين نشا ، ملعقتين جلسرين، كاسه ماء ورد)
طبعا المشروب اللي راح اشربه طيلة النفاس هو (قرفه ، شمر، يانسون ، قشر ، كمون ) والحليب الصباح مع الفلفل الاسود
ولتخفيف الكرشه راح اشرب زنجبيل اخضر وشاهي اخضر كوب واحد بعد الغداء
وراح اوقف الزنجبيل والقرفه العشرة الايام الاخيرة من النفاس
الخلطات/
راح استخدم العشرة الايام الاولى بما اني راح اكون تعبانه راح اكتفي بهذي الصابونة بابايا(5×1)
وللجسم والكرش (زيت زيتون كوب وابشر زنجبيل اخضر كوب وانقعها يوم كامل ثم استخلص الزيت وادهن المناطق المتركز فيها الدهون )
العشرة الايام اللي بعدها
باستخدم الدلكه البيضاء لجسمي
وللمناطق الحساسه (علبة سودو الصغيرة عليها ملعقتين زيت اللوز المر)

والعشرة الايام اللي بعدها راح تكون صحتي ممتازة ان شاء الله
راح يكون يوم الدلكه البيضاء مع صابونة الغار
ويوم راح يكون مقشر التوت مع صابونة بابايا( 5×1)
وللمناطق الحساسه في الليل راح يكون سودو وزيت الللوز المر
وفي الصباح راح امسح بالمسحه الطبيه واستخدم النشا كبودرة للمناطق الحساسه

وبعدها راح نوقف المرة والزنجبيل والقرفه

والعشرة الاخيرة
استبدل الدلكه البيضاء بالسوداء بس واكمل نفس العشرة اللي قبلها
واليوم الاخير حمام مغربي ووو الخ

وش رايكم حلو اوقع عليه والا يبغاله تعديل