السلام عليكم ورحمه الله وبركاته
اخواتي الحبيبات انا عندي امر مخليني اتردد كثير كثير ومخوفني لدرجه اني من كثر مافكر فيه معد انام اليل ولي بتساعدني وبترد علي بحكمه راح ادعي لها من قلبي وربي راح ادعي لها من قلبي بس تساعدني بحكمه وتقولي او ترشدني لطريق الصح لاانا وربي هلموضوع محيرني محيرني عن جد وبقوه كني ساقطه بحفره ولا ادري وش اسوي ولا كيف اطلع من الحفره بنجاح وربي محتاره ومتردده ولي بترد علي بكل حكمه وترشدني لصح راح ادعيلها من قلبي
بس لاتقولي ارفضيه وما وما وتخوفني اكثر من اني خايفه لااني مطلقه مو توي بنت
موضوعي هو
اني انا مطلقه وتقدم لي رجل مطلق مرتين ولديه اولاد ولاكن اولاده مع امهم وكبار بعد مو صغار مره اصغرهم عمره 11سنه بس يجونه زياره ويروحو وهو من النوع البار بامه مرررره وعشان كذا يقول ماراح اسكن بعيد عنها لاانها مريضه وكبيره بسن وانا الي اعطيها علاجها والى اخره انا بنسبه لاامه على عيني وراسي مثل امي بس الخوف الي مخليني اتردد اكثر اخته الي مابعد تزوجت واولاده هم صح قالولي عند امهم ومايجون الا زياره وان نامو مايطولوبس ولو خايفه وهو بعد وفاه ابوه ربى اخواته وكلهم تزوجو الا وحده وهي راح تكون موجوده بسكن الي يبي يسكني فيه مع امه وهي عميده بكليه بس ماتداوم الا يومين بلاسبوع وهو رجال مامنه عيب ابد بس الي محيرني هو السكن مع امه واخته وانا شفت اخته الكبيره ولي مابعد تزوجت وتكلمو معي وتكلمت معهم بس ولو مازلت خايفه
وانا شرطت ان يكون لي جناح خاص يعني غرفتين وحمام بس ولو مازلت خايفه وبليوم تجيني ولا ميه فكره ومثل منتم عارفين عاد ابليس يخليني اوسوس اكثر ويخوفني اعوذو بالله منه بس وربي احترت بامري وانا مو صغيره مره ولا بعد مطلقه ولا يجيني الا ناس مو كفو معد فيه رجال صاحي وربي
وانا مدري وش اسوي استخرت واستخرت ولا حسيت بشي وبنسبه لااخته تقولي انا مخطوبه بس احتمال ماوافق ليتها توافق ورتاح وتنحل ازمتي شوي وهي حافظه كتاب الله ماشاء الله عليهابس مدري احس اني خايفه عشان اخته راح تكون معي بنفس البيت هم عندهم شغاله بس لازم بعد احط ببالي الشغاله لابد ان تسافر مو جالسه سنين معناواحتمال بعد انها على وشك تسافر مدري عنهم الله اعلم ثم الشغله تصير علي مشكلتي اني يتيمه وحزينه على وفاه ابوي للحين الله يرحمه وجميع موتى المسلمين اللهم امين ولا عندي احد يهتم بي مثل ماكان ابوي يهتم بي معد احس بلاامان مثل اول قلبي يتقطع من حين لحين والله اني اكتب لكم وانا ابكي وهلموضوع محيرني كثير وربي امي تقولي توكلي على الله وجربي حظك وانا خايفه من ناحيه اني اسكن مع امه واخته ومن ناحيه اولاده بس اولاده على قولهم عند امهم وان جو عند جدتهم يصيرون وعمري يمشي وانا مو صغيره واخاف ارده ثم اندم لاانا كثر الترديد مو زين واخاف اعنس هو رجال كفو بس العيب هو السكن مع اهله امه واخته فارشدوني لطريق الصح لااني اخاف لاانه طيب ويلبي طلباتهم اخاف يمشونه على كيفهم ومن بعدهايتحكمون بي وكمان اخاف انه من النوع الي يسمع لهم اكثر مني ربي يوفقكم والله راح ادعي للي ترد لي انتظر فزعتكم معي يابنات حواء
مهــــــــــــاوي@ @mhaoy_58
عضوة جديدة
يلزم عليك تسجيل الدخول أولًا لكتابة تعليق.
انا زوجي لما طلبني للزواج كان شرطه السكن مع امه
وانا وافقت وكانت طيبة معي والله
حتى لما توفت بعد زواجي ب ست سنوات تقريبا ضاق صدري
وللحين افتقدها ودي انها بيننا وتشوف عيالي يكبرون
اما اخته مدري
توكلي على الله ووافقي
وانا وافقت وكانت طيبة معي والله
حتى لما توفت بعد زواجي ب ست سنوات تقريبا ضاق صدري
وللحين افتقدها ودي انها بيننا وتشوف عيالي يكبرون
اما اخته مدري
توكلي على الله ووافقي
كل مطلقه تتردد مثلك
توكلي على الله
وخذي قرارك
والبيت تقدري تشرطي يسكنك في شقه لحالك وامه واخته بنفس العماره لكن شقه ثانيه
الله يسهل امرك
توكلي على الله
وخذي قرارك
والبيت تقدري تشرطي يسكنك في شقه لحالك وامه واخته بنفس العماره لكن شقه ثانيه
الله يسهل امرك
الصفحة الأخيرة
واستخيري وادعي ربي يكتب لك الخير ويصرف عنك الشر