سلفتي حكتلي هاتيلي زوجك احكي معو . (مش اول مرة تعملها )

انا الي قصة مع سلفتي نزلتها في المنتدى قبل هيك والنتيجة اني سكتت لوجه الله تعالى وماخاصمتها
اليوم حكيت لزوجي اتصل في اخوك خليه يجي عنا ويسهر معنا
زوجي مارضي في الاول لانو بدو يطلع مع اصحابو يعيد عليهم في بيوتهم
ضليتني ازن عليه لحتى وافق
حكالي خدي التليفون واحكي عليهم
اتصلت وردت علي سلفتي
حكيتلها كيف حالك وشو اخبارك ؟ وحكت الحمد لله
حكيتلها :شو رأيك تيجو لعنا اليوم ؟
حكت : تعالوا انتو
حكيتلها : لا . انتو زمان مادخلتو بيتنا
حكت : وين زوجك ؟
حكيت : هيو موجود
حكت : هاتيلي اياه احكي معو !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حكيت : شو بدك فيه ؟
حكت : بدي اياه . اعطيني اياه
ناديت على زوجي وكلمها ( حطيت على الميكروفون لحتى اسمع شو الموضوع المهم اللي قطعت كلامنا اللي لسة في اوله وبدها زوجي )
هي حكت لزوجي : انو اليوم زوجها مش فاضي وبدو يروح يعزي فلان وتعالوا انتو علينا ووووووو
خلصو كلام وسكروا التليفون وانا مارمشت عيني من الاستغراااااااااااااااااااااب
الموضوع يابنات : انو هي عادي تحكي مع زوجي اذا احتاجته في شغلة
ولكن غير العادي انو انا اعزمها ييجوا عنا وهي ماترد وتحكيلي والله مشغولين وزوجي بدو يروح على عزا او تحكيلي بدي اشوف زوجي وارد عليك خير او ............
يعني اللي زعلني هو انها ماردت علي وانما حكتلي ناديلي زوجك ارد عليه ( هيك المعنى )
زوجي راح على غرفة تانية يلبس اواعيه عشان يطلع وحس انو انا زعلانة من شي وسألني ومارديت
بعد شوي قررت اني اتصل فيها وابين الها اني زعلانة
والله هاي اول مرة يمكن اواجه انسان زعلني الا اخواني طبعا
اتصلت عليه ودار الحديث التالي :
انا : الو
هي : اهلين
انا : انا بحكي معك انو تتفضلي عنا وانت بتحكيلي ناديلي زوجك ؟؟؟
حكت : طب هادا شي بزعل ؟؟؟؟
انا : اه بزعل لانو احنا لسة في اول المكالمة وانت بدك زوجي
سكتت من المفاجأة
حكيتلها يالله مع السلامة
طبعا كنت احكي بأدب بس مبين علي زعلانة
باختصار : اتصل زوجها على زوجي وحكالو اعطيني زوجتك
اتكلمت معه وحكالي شو اللي مزعلك ؟ حكيتلو وجهة نظري
حكالي انو هي مش قصدها وانتو خوات ولا تزعلو ومافي شي مستاهل ووووووووووووو
انا بدي اعرف :::::::: هل انا على حق ؟؟؟؟؟؟؟؟؟؟؟؟؟؟؟؟
بصراحة احكولي ؟؟؟؟؟؟؟؟؟؟؟؟؟؟؟؟؟
طبعا هي مش اول مرة تعمل هيك بس بأشكال اخرى وهادا اللي زعلني
وبرضو انا لوجه الله هروح اكلمها عادي ولا كأنو فيه شي لانو هي مستحيييييييييييييل تحكي معي
وهادا صار خصام
والخصام لا يحل لمسلم اكثر من 3 ايام
يعني هكلمها وانا مش غلطانة