تجربتي الشخصية مع نيوتروجينا بأمانة 100%

هاي بنات بما اني جربت وايد اشياء من
نيوتروجينا
قلت خليني اقولكم عن كل شي استخدمته
و افيدكم و اسمع اراءكم و تجاربكم بعد

اول شي كريم اكني ماسك من نيوتروجينا هذا رهيب و علاج خيالي حق الحبوب

بالنسبة للحماية ( السن بروتيكشن جربت هذا اللي بالصورة )
sunblock lotion 30 spf
رهيب و آمن على الاستخدم حتى حق الأطفال يعني حتى حق البيبي تقدرين تحطينه و هو خفيف على البشرة وحلو

بالنسبة للمرطب او لوشن البشرة (موجود بالصورة )
جربت
Healthy skin face lotion
multi vitanin facial treatment
هذا مرطب خيالي فيه اكثر من فيتامين
ينعم البشرة و و يفتح البشرة و يوحد لونها صراحة رهيب بكل معني الكلمة
و انصحكم تستخدمونه كمرطب يومي و بيس قبل الفونديشين يوميا

بالنسبة للغسول (موجود بالصورة بعد )
انا استخدمت أثنين :
Fresh foaming Cleanser
Black head eliminating
انصحكم بالثاني اكثر من الأول ليش لانه الثاني فيه حمض السالسليك و هذا الحمض خيالي للمسام الواسعة و الرؤوس السودا و الدهون اللي بلاوجه و يخلي البشرة مرااااااااااااااااية

انا استخدمت كل مجموعة الرؤوس السودا (موجودين ثلالثتهم بالصورة على اليسار )
طبعا الغسول و بعد الغسول بنص ساعة التونيك
و شريت بعد الماسك مال الرؤوس السودا هذا يستخدم بيوم بروحه مرة بالاسبوع من دون لا تستخدمين التونيك و الغسول
يعني الماسك بيوم بروحه و باقي الأيام الغسول و التونيك و النتيجة مرضية جدا

جربت بعد كريم الايدي هاند كريم (بالصورة اكيد )
اهوا حلو و ريحته خفيفه يرطب بعمق بس ما ينعم وااااايد بس احسن ما باقي الكريمات

الماسك اللي من صج رهيب اهوا ديب كلين (تلقونه بالصورة على اليمين)
هذا تدهنينه على البشرة و تنطرين ليما يصير لونه ابيض و تغسلينه و تشوفين النظافة و انه المنطقة الدهنية اللي اسمها (تي زون )
صارت اقل دهنية يعني باختصار يتحكم بالدهون عدل

وعلى فكرة جربت الصابونة الخاصة بالبشرة الدهنية زينة بس حبيت صابونة دوةف اكثر منها

المنتج الرائع عندهم اهوا الصابونة بالليفة هذي لا يعلى عليها و من اروع المتتجات اللي عند النيوتروجينا

باختصار هذي تجاربي مع هالمنتجات الرائعة من نيوتروجينا

نسيت اقول اني جربت كذا غسول من نيوتروجينا خصوصا اللي لونهم على برتقالي ما ناسبوني ابدا ابدا وهذي اهيا الاشياء اللي ناسبتني

الصورة اللي حطيتها فيها الاشياء اللي قتلكم اني استخدمتها و هذي تصوير تلفوني و انشالله يعجبكم هالموضوع

و اي استفسار من عيوني تامرون أمر

و اللي جربوا يا ريت ينقلون لنا تجاربهم