اللي عندها معرفة بمحلات المفارش والطقوم ..تدلني على محل رخيص

هذا اللي دايم اقوله احب الشيء الكشخه لكن من غير

بهرجه وقرابيع زياده وخصوصا طقم النفاس اشوف طقوم من قطع كثيره مالها داعي بصراحه ماتعجبني

ياليتك في جده كان دليتك اخذت طقم النفاس ب1000 ريال بس ومكون من مفرش لي وسرير للنونو ولبس
لي وعلبه مناديل وسبت صغير لااغراض النونو وزباله
الله يكرمك حلو مره وشكله فخم اختي اخذت طقم
من مفتي فوق5000ريال واشيائه كثيره لوتشوفين
حقي وحقها ماتفرقين بينهم الا في السعر

المشكله البنات هنا مسوين فيها غالي وماركات
وهو اقل من العادي انا درت محلات الماركات
ومحلات المفارش الفخمه والله ماالقيت احسن من اللي قضيته ماشاءالله بصراحه هو يعتمد على الذوق
وانا ماامدح نفسي بس من جد حظي حلو ماشاءالله
اطيح في اشياء حلوة ورخيصه ومايمنع اني برضو اقضي من الماركات لانه مافي احسن منها لكن لما
النونو يتعدل جسمه زين ساعتها اقضيلو اللي يعجبني
ماركات او رخيص واهم شيء الرواقه والنظافه
احس هاذي اللي تلفت النظر اكثر من البهرجه والترتيب
السنع ماعليه طولت عليك بس ترى الوضع يختلف
اذا كنتي بكريه او مو اول حمل
يعني لو بكريه ماعليه تكلفي لكن اذا لا انا اشوف
انك تدوري شيء كشخه وسعره مقبول بالنسبه
لي انا هذا ثالث حمل لي والله يسهلك ويسهلي قولي
امين

تسلميييين والله أختي ندونة بالنسبة لي هذا حملي الثاني
والأول ماتكلفت كثير مجرد مفرش لي وضيافة لزوار لأني جلست بالمستشفى ست أيام عشان قيصري وعلى طول اليوم اللي طلعت فيه من المستشفى اليوم اللي بعدة سافرت لأهلي
وبالنسبة لكلامك كفيتي ووفيتي وهذا اللي أستغرب اللي يشترون لبس المولود من ماركات وأسعار غالية
وهي كلها كم أسبوع ويكبر وترمي اللبس في الدولاب
هذا غير التجهيزات الثانية والتكاليف اللي توصل أقل شي 10,000 ريال
عالعموم كلاً له الحرية الشخصية وعاداته اللي مانقدر نتدخل فيها
المهم وين بنات الرياض وفزعتهن وللا لازم أقول أبي ماركات عشان تدلوني مايحتاج هذي أدلها في وقتها

أنتظررررررررررررررركن .....

شوفي ياعيوني عندك اسواق طيبه مفارشها مره حلوه انا اخذت في حملي الاول منهم والزين فيهم انك اذا تبين تفصلين يفصلون لك وانتي اختاري القطع اللي تعجبك
وانا في حملي هذا ناويه اروح لهم ان شاء الله واسعارهم مرة حلوة

تسلمييين والله أختي الأحلام الوردية
أن شاءالله بروح وأشوف وش عندهم ..

وينكم يابنات ياحريم ياااااحوامل ..

شوفي يا قلبي فيه محل برويال مول يخيط لك اياهم ب700 واذا جبتي انت القماش يفصله ب400 المحل بالطابق الثاني
ان شاء الله اكون افدتك والله يسهلك ويقومك بالسلامه ولا تنسين تدعيلي بالتسهيل في كل امري