شغلي في تلوين غرفة عيالي

السلام عليكم ورحمة الله وبركاته

في الاجازة حبيت أغير غرفة عيالي وشفت الحركة هادي في النت وعجبتني ونفذتها في يوم واحد وكنت محتارة في الرسوم اللي اطبعها فقمت رسمت شي وهما شاركوني الرسم والطباعة ...............ورسموا يدينهم في ورق وطبعتها مع حرف كل وحدة وبنات أختي معاهم كمان .................شوفوها وقولولي رايكم ............في باكورة أعمالي....................يجي مني ولا لأ وعلى فكرة الستارة أنا خيطتها كمان ومثبتة فيها البلاك آوت أريح




الطريقة سهلة ..........الأدوات المستخدمة : شريط لاصق بالعرض اللي يناسبك أنا استخدمت الشطرطون وكان متعبني عشان كدا يبان مايل شوية..
ألوان بوية بخاخ نوعية جيدة .
رسومات مفرغة (من اختيارك )

الطريقة : تقسمي الجدار بشبكة كاملة من الشريط اللاصق وتحاولي يكون مرتب أكتر مني ......وبعدين تبدأي في كل مربع تثبتي الشكل المفرغ بلصقة من الداخل خفيفة بس عشان تثبت ثواني في المربع وتبخي اللون اللي تبغيه أو عدة ألوان تدمجيها مع بعض ..وحتشوفي الألوان كيف تعملك شكل راااائع .