سؤال للي عندهم غسالات صحون ...تكفون الفزعة

اولا وعليكم السلام..
ثانيا مو لازم تغسلين المواعين قبل ما تحطينها بالغساله ..بس وخري بقايا الاكل فقط
ثالثا انصحك تشترين الغساله لانها جدا مفيده وتريحك من الوقفه بالساعات عند الغساله..
الله يوفقك ويهون عليك

حبيبتي الله يعينك
انا عندي غسالة واير بول مره مرتاحه فيها اول ماشريتها عبيتها ملح خاص بالغسالات وحطيت كل الاواني المتسخه بعد مانظفتهم من بقايا الأكل كل الأواني تقلبيهم عشان ماتجمع مويه بعدين اشغلها على التنظيف القوي ولما تخلص الغساله ينطفي النور الأخضر وافتحها واخليها لمين تنشف وبس .

حبيبتي انا عندي اريستون
ومريحتني الحمد لله انتي عليك بس شيلي بقايا الاكل مثل الارز والخضار وصفيها وهي تقوم بشغلها انا زيك حامل وتتعبني وقفت المطبخ وفوق كذا ايديني فيها اكزيما والحمد لله مريحتني
بكرا بيجون عندي جاراتي وقبل اشوي عفست المطبخ نوعين حلا وسنبوسه ومادري ايش في النهايه جمعت الصحون وكاسات الخلاط والقدور التيفال والملاعق وكل شي فيها وفي دقايق ترتب المطبخ بس الي علي امسح الطاولات وامسح الارض وانتهيت من شغل المطبخ والحين هي تغسل في هدوووووووووووء ماشاء الله تبارك الرحمن

انا بعد عندي ارستون

ومرتاحه عليها وااااجد عندي تخرب اجهزة البيت كلها الا هي لو خربت احس اني بجن

اصلا يكفيك انك تقعدين عللى الاكل وانت منت هامه بغسيل المواعين بس جمعيها فيها وامسحي الطاولات والغاز واكنسي الارض واطلعي اشربي شاهي خخخخخخخخخ احبها ماااره

با النسبه للغسيل قبل ما تحطينها فيها بس شيلي بقايا الاكل عشان ما يتسدد الفلتر واذا فيه شي لازق في الصحون انصحك تنقعينه في طشت ولما تجين تحطين المواعين ما عليك الا انك تشيلين الصحن من الطشت للغساله وبسسسسس

ما شاء الله الله يهنيكم فيها