من سنه للحين صرت اجمل بكثير واتحدى ... كل شي سويته بقولكم عنه تعالو

السلام علييييييييييييييييييييكم يا احلا بنات

حوائيات حبيباتي ببدي كلامي بأن اللي بتقولي سرطان وبلاوي انا مو محلله مختبرات انا وحده جربت وبان علي وجايه افيد الكل ومابي الا الدعاء

من شهر 3 اللي طاف سنه 2009
بلشت استخدم حبوب الجلوتاثايون للحين يعني كملت 8 شهور بضبط
هذا شي فتحني حييييييييييييييييييييييييل
النوع اللي استخدمته مزلته قبل 3 شهور اهو اكسترا وايتننج اجيبه من الفلبين ع طريق خدامتنا
بس وقت اجيبه مناك لانه توفر عندنا بالكويت بيرفكت وايت بس اخذ حبتين منه
سعره 37 دينار يكفيني 15 يوم لاني اخذ حبتين باليوم
هذا اول شي



واخذ فيتامين اي كبسولات داخلها زيت شريت علبه فيها 60 حبه من شهر 3 للحين عندي ما خلصت اكل بالاسبوع حبه او حبتين
واحيان اطلع اللي فيها واحطه على وجهي
تعطي نضاره فضيييييييييييييعه
هذا ثاني شي




ثالث شي الله يجزي حور الجنان عني كل الخير يارب والاخت اسمها شقره ومزيونه بمنتدا ثاني
اخذت منهم الخلطه الصابونيه وبصراحه ما قامن تفرغ من الحمام روووووووووووووووووووووووعه وتوحد لون الجسم
فضيييييييييييييييييييعه



لوجهي استحدم كل فتره كريم كل شهر اطيح بكريم

جربت البولي روووووووووووووعه بس يخلي بشرتي دهنيه بزياده
وعيبه اذا تركته يكثر الزيوان بوجهي استخدمه اسبوع واوقف بس




وجربت الخلطه السعوديه اللي تتكون من
البولي والبينا والكيلي والدرموفت قبل المناسبات بس باسبوع لوجهي ومنحري وذرعاني روعه اطلع داين احلا وحده بالحفل والله لدرجه اني وربي ما احط على جسمي فونديشن ويبقا جسمي افتح من وجهي بس احط له لمعه وصدق كل من يسألني جسمج لونه راااااااااااااااااااااااائع :22: قولو مشالله


الفتره هذي طحت بكريمين بصراحه لان بشرتي تعبت من كثره العروس اللي عندنا والمكياج دمرها

في اخت الله يجزاها خير كاتبه عن كريم الحفاضات مال البيبي سودو الطبي
المكونات
ملعقتين سودو + ملعقه فكس + مص فنجال زين اللوز

بس انا استغميت عن زيت اللوز لانه يسمرني وبدلته بكريم جلوسليد
هذي ليلا

والصبح احط سودو بروحه

واذا بكشخ استخدم اكسترا بينا واطبطب عليه بمنديل واحط بودر عليه واكمل مكياجي روووووووووووووووووووووووووعه قليل بحقه جد ما قد احد سألني عم اساس وجهي الا من بديت استخدم البينا

ايديني واقداني
لونا رااااااااااااائع
او اذا ما كان متوفر
استخدم الجلوسليد واخلطه مع قليل عصير ليمون

واستخدم لجسمي صنفره مرتين بالاسبوع بس
مكوناتها
صنفره كاب علبه + ملح اليوكا بالبابايا + ملعقتين قهوه حلوه + كريم جلوسليد + صنفره المشمش
يخلطون مع بعض
ويستخدمون عادي انات استخدمهم قبل لا ابلل جسمي وبعدين ادخل الدوش وبعدين اكمل سبوح




مره بالشهر اسوي سنفره زيت الزيتون والملح تعطي نعومه رااااااااااااائعه





هذا جسمي ووجهي واطرافي خلصت منه






شعري طبعا بالله تكفون قولو مشالله
انا الحمد لله منبت شعري زين وعماتي مشهورين بشعورهم بس انا لعبت فيه صبغ وتقصص

اول شي الصبغ مسحته بأستيكه م قاموسي لان اساسا الاسود روووووعه علي

واتقصص حلفت ما اقصه لين على الاقل يرد لطوله اللي طاف
وطبعا انا ما احب الشعر يطول عن حد الخصر ان طال اقصه ضروري احش شكله ينرفز



بس جد من شهر 9 اللي فات كمن قاصته كاريه فرمسي الحين ولله الحمد واصل لاخر ضهري

اذا مليت ادرجه

اللي سويته لشعري


الخطوه الاولى

زيت اوزار وطحن فيه 5 حبات منع الحمل ديانا 35 واستخدمه لشعري


واسوي تونك لشعري مكون من
مغلي ملعقتين اكل اكليل الجبل + ملعقتين بابونج

اكليل الجبل يطول الشعر بسرعه معروف
البابونج يعقم فروه الراس ويعطي الشعر رائحه حلوه ويفتح لونه ويعطي لمعه ونعومه ملحوضه
طريقه الاستخدام

الجدول الاسبوعي يعني
احط الزيت 3 مرات بالاسبوع او مرتين
لا غسلت شعري من الزيت طلعت رشيت التونك على شعري خليته لثاني يوم وغسلته بس بماااااااااااااااي بس


والشامبو اللي استخدمه ميتال



بنات وربي كل شي مجربته وامشو عليه وشوفو شيصير وربي ان بعض بنات العايله يتعمدون يجوني يوميا يشوفون شقاعد استخدم وربي من كثر ما تغيرت وفتحن والله يا بنات امي حاليا ما البس الا الوان الصاااااااارخه جد لوني مررررررررررره حلو وهذي نصيحه واتبعو لمده شهر وشوفو



ما بي شي بس ابي تدعون امي ترد بسلامه ويعافيها الله ويفرج الله لبوي ازمته ويحفضلي اهلي ويكفينا شر العيون ويوفقني تكفون


تحيات مطيريه