اعشششق العناية بالأظافر و ادواتها لكن =(

السلام عليكم ورحمة الله وبركاته
بنات انا ما تتخيلوا قد ايش احب العناية بالاظافر الادوات الوان و اشكال و كل شي يخصها اشتريه و من الفرشاه للموس!و نفسي اسوي عنها موضوع
من الهوس مرا من المرات جرحت نفسي و سرت ما اقدر البس جزمه الله يكرمكم في رجلي و كنسلت مناسبه كنت بروح لها الجرح كان عميق و السبب استخدامي للموس الخاص بالعناية بباطن القدم
طييب المشكلة يا طويلات العمر
انا كنت مهووسه بالدراسه و بالتالي و الحالة النفسيه من الاختبارات و الدراسه الله لا يوريكم
مما ادى الى << متأثره بالدراسه
انو سرت اسوي عادة سيييئه و هيا "قضم الاضافر"
المشكله الكبرى كمان انو بالابتدائي كان تطويل الاظافر ممنوع و انا اسوي شطاره و اقصصصصصصها مرا كتير الي المساحة الوردية
و اللي يقهر ف المتوسط المسؤولة عن دا الموضوع وحده اضافيرها تفججججع و اطول من المساحة الوردية من الضفر بالضعف تقريباا وربي! و ذالة اهلنا ع الاضافر :icon810:
المهم و الأهم انو دا كلو ادى لشي واحد هوا انو المساحة الوردية "اللاصقه بالضفر" سارت قصيره و شكلها يفجع :"(
ما اقدر احط مناكير ما اقدر اظهرها قدام البنات :"(
و انا ما احب اطول اظافري "المساحة البيضاء"كتير عشان اقدر احط المناكير
حتقولوا حطي و هيا قصيره مو لازم تطوليها بس والله لما احط المناكير و هيا قصيره شكلها يضححححك المساحة الوردية سارت مرا مرا قصيره و بشعه حتى بدون مناكير :"(
نسيت اقلكم انها تنمو ع فوووق و دا الشي يقهرني لانو يسير شكلها زي الساحرات !!
مرا من المرات وحده جاويه تسوي لي بديكير لاحظت قامت قالت لي انو عندهم اعتقاد اللي تمنو اظافرهم ع فوق حيسيروا اغنياء << خخخخ
وبسسسسسس اتمنى تساعدوني :"(