مرحبا فيكم حبيت احكي لكم قصه ولادتي
انا بكريه وهذا اول بيبي لي قررت اراجع واولد بدله وسالت كثير عن الدكاتره طبعا بعد ممتازه لانها زحمه واقرب موعد لها كان بعد شهرين استخرت الله وقررت اراجع عند دكتوره نضال عراقيه وبديت مراجعات مع ان كثير يذمونها وانها مستعجله بس مدري ليش ارتحت ..
وصلت الشهر التاسع واخر موعد لي كان يوم الاثنين تاريخ 22 ابريل 2013 رحت الموعد وقالت لي خلصتي التاسع على حساب الدوره بس لك 4 ايام بالعاشر على حساب السونار وعطتني موعد طلق صناعي يوم الاربعا بعد يومين ..
جا الاربعا وحسيت معاي طلق قلت خلاص ما راح استعجل على نفسي وجلست ليوم السبت قلت ان شاءالله يكون الرحم مفتوح دخلت يوم السبت الساعه 12 باليل تنويم للطلق وعطوني اول تحميله الساعه 5 الفجر وبدت الطلوق وقالو لي امشي جتني الساعه 2 الظهر كشفت قالت الرحم مقفل وعطتني التحميله الثانيه وبدت الطلوق وقالت امشي الساعه 10 الليل جت كشفت قالت واحد سانتي ..
الاثنين الصباح الساعه 7 قاست كمان واحد سانتي وعطتني التحميله الثالثه وجلست للعصر الساعه 3 وجت قاست قالت واحد ونص وانا نفسيتي دمار ومتوتره ومستغربه على هالرحم الي مو راضي يفتح مع هالطلوق وجتني دكتوره نضال قلت له خلاص ولدوني قيصري قالت لا بنصبر عنق الرحم عندك قاسي مره ..
الساعه 10 باليل تقيس تقول واحد سانتي طيب كان واحد ونص قالت لا واحد وعطتني تحميله قالت خلاص بقى لك اخر تحميله بعطيك اياها الصباح الثلثا الساعه 6 الثلثا الساعه 6 جت تقيس قالت واحد وعطتني اخر تحميله وقالت دكتوره نضال بتجيك الظهر عشان تشوف وش يصير معاك وبدت الطلوق قويه مره لدرجه اني ما ادري انا فارض والا فسما وادعي ربي يسهل علي ..
جت الساعه 1 الظهر وقاست قالت واحد ونص قلت خلاص ولديني قيصيري قالت لا انسي القيصري ولا تقولينها ترا بزعل منك قلت خلاص تعذبت لي ثلاث ايام وواقف على واحد سانتي قالت اصبري الحين عنق الرحم لين بنزلك لكشك الولاده وبقولهم يعطونك ابره الظهر ..
نزلت كشك الولاده الساعه وحده ونص الظهر وقاست تقول واحد ونص وتتكلم بالنجلش تقول واحد ونص ليش منزلينها وانا خلاص مع هالطلق الي ما ينوصف من الالم بالظهر والبطن الله ياجرنا و نفسيتي تعبت وامي معاي من ثلاث ايام وضاق صدري عليها مو راضيه حتى تروح للبيت جالسه معاي طول هالوقت الله يجعل مثواها الجنه ويخليها لي يارب ولا يحرمني وجودها ..
المهم على الساعه 2 جاني دكتور عشان ابره الظهر وقالي بعطيك الابره وعلمني التعليمات وقالي بعد ست ساعات لو ما ولدتي رجعت حطيتها لك وانا من الالم قلت خلاص خلهم يولدوني قيصري لا تعذبوني اكثر قال ادعي وربنا معاك حط الابره وبدا مفعولها وحمدلله خف علي الطلق وقدرت اتكلم مع امي وادعي زين واقرا الورد حق الولاده صدق ابره الظهر نعمه ..
بعد الابره دخلت علي الدكتوره الساعه 3 وقالت بفك مويه الراس طبعا والرحم واحد سانتي جت تفكها وما طلع شي وامي استغربت قالت الدكتوره مافيه مويه قلت كيف قالت كان ينزل معاك اول مويات قلت لا قالو غريبه وانا جلست اهوجس ..
جت الساعه 4 وتغير الشفت حق القابلات والدكاتره ودخلت علي دكتوره سودانيه اسمها هند الله يسعدها دنيا واخره من دخلت علي لسانها مثل العسل مريحه لدرجه غير طبيعيه سلمت علي ومسحت على راسي وقالت انا الحين بكون معاك والنيرس الي معاها تجنن وقالت لي انا ميشيل اي شي تبينه ناديني تهبل فلبينيه
قاست الرحم وقالت لي ما شاءالله ما شاءالله 6 ونص بحط لك طلق بالمغذي
وانا من الفرحه ما ادري وش اسوي الحمدلله يارب هذا كله بفضلك يالله وامي من الفرحه تبوسني والدكتوره والنيرس فرحانين معاي وقالو خلاص هانت ساعه وارجع اقيس لك جتني الساعه 5 ونص قالت حمدلله انفتح اكثر يالله اذا حسيتي بالدفع ناديني وبدا الدفع الساعه 6 واناديها قالت يالله اشوف الراس ودخلتني غرفه الولاده وحمدلله الساعه 6 ونص والبيبي بحضني يارب لك الحمد ..
وكنت باستدعي الدكتوره ايه عشان تولدني وقلت ما راح استدعيها وبخلي دكتوره هند تولدني وحمدلله ولدتني وخاطتني وكانت ذوق وحبوبه لدرجه ما تنوصف والحمدلله انا لي 17 يوم والده وحمدلله كل شي بفضل ربي
لا اله الا الله محمد رسول الله
وتين الحلوه @otyn_alhloh
عضوة فعالة
يلزم عليك تسجيل الدخول أولًا لكتابة تعليق.
سرااااب 24
•
الحمدلله على السلامه
ماشاء الله والحمد لله على سلامتك ومبروك البيبي وبصراحه حمستيني اني اولد فيه بس خايفه لاني ماراجعت فيه وبروح لهم ولاده بس
وردة الم
•
الحمد لله ع سلامتك الله ما يحرمك الاجر تعبت مرة مع الطلق الله قمت يالسلامة ومبارك ماجبت
عندي سؤال لو سمحت كيف الطلق الصناعي صعب جدا وله لان انا خايفة منه يبغون يعطوني لان صار اسبوع فيني طلق بس ما فتح الرحم زين تكفين ردي علي
عندي سؤال لو سمحت كيف الطلق الصناعي صعب جدا وله لان انا خايفة منه يبغون يعطوني لان صار اسبوع فيني طلق بس ما فتح الرحم زين تكفين ردي علي
الصفحة الأخيرة