الألماسة @alalmas_1

عضوة فعالة

المصممات وما ادراك ما المصممات

بصراحه عندي مناسبه ولفيت الأسواق كلها من جاهز لمصممين رجال ولمصممات نساء

ما عجبني شي ابدا:09: والله لو تعدون الأماكن اللي رحتها ما راح تصدقون صار عندي خبره

لكن وش المشكله تعالي شوفي الغش والفلسفه لبعض المصممين

واحد قعد يقول انا لبناني وانا مصمم ,,,,,,رغم انه مو مصمم بس يبيع مسكين يحلم

و انا ابن خاتلي عبد المحفوظ ...يحسبها وراثه:42:
المهم قاعد يتفلسف يحسب اني ميح ما اعرف نكد ولا صعب

وبصراحه هذا جاه شوي تهزيء وانحلت المشكله

لكن

هنا المشكله
خلال لفتي بالسوق وانا رايحه لعماير السيركون رايحه للمصممه العالميه س.ب ما احب اذكر اسمها اخاف ممنوع

لقيت حرمتين يكلمون واحد من الأمن بعيد شوي عن الباب قلنا ما علينا منهم

لما قربت من الباب لقيت وحده ترن الجرس وتقول افتحي ووحده جوا تصارخ وتصيح بصراحه >>خفنا لايكون ما سكينها
وشوي وقعدنا نخبط الباب>>نبي نفزع

وجت وحده ثانيه او ثنتين وفي الاخير جو اللي يكلمون الأمن وقالوا القصه

تبون تعرفونها ماراح تصدقون

قالت اننا جينا عندها وطلبنا منها فستان جديد وما فيه منه لاختهم يبون يرزونها ويكشخونها و...وهي حلفتهم انه جديد وماراح يلبسه غيرها ومن هالكلام المهم شروا الفستان باربع الاف وخمس ميه يوم راحوا البيت يورونه مرة اخوهم قالت هذا في بازار من شهرين بالف ونص وشلون تشترونه بهالسعر

المهم جوا يطالبون بحقهم لاكن لاحياه لمن تنادي رغم ان المديره المصريه اعترفت وهددوا بتشويه سمعة المحل لكن هي ما همهامهيب هي صاحبة المال >>لكن ابري ذمتي ما ادري اذا المصممه عارفه بهالشي او هذا من وراها

وبعد وحده اعرفها شرت جلابيه ب900 ولقتها في الأندلس ب400مع وحده من قريباتها

شفتوا كيف موحرام

بصراحه احسن شي الوحده تصمم لنفسها :eek: ولا ينلعب عليها بهالشكل

ومع احترامي لفيت على هالمصممات ما ادري ما حسيت انه في شي حلو كله تركيب في تركيب يمكن اذا جاء بازار يجتهدون اكثر بصراحه انا رحت لبازار الفورسيزون كا ن حليو
المهم
اتمنى اني قدمت لكم المفيد والنصيحه واي وحده تبي استفسار للأسواق والمصممات انا في الخدمه

بس عاد تدترون وش سويت لفيت الأقمشه وكلها بايخ ومكرر ويقولن جديد وربي واحد عندي يمكن تقريبا من سنتين وتوه نازل عند بعض المحلات هذا عندي شخصيا ولبسته كم مره وهم يعرضونه جديد بس يمكن ملعوب عليهم لا وعند محل فخم بعد

عموما شريت قماش مره حلو بس غالي وباروح افصله وان شاء الله القى مشغل حلو ويطلع حلو>>>ادعوا لي

يلزم عليك تسجيل الدخول أولًا لكتابة تعليق.

تسجيل دخول

صفر سبعة • 17 سنة

ايه والله وانتي صادقه كل كذب واحتيال مره رحت مصمم اخذ فكره فقط لاني ما احب ذوقهم وشوي شفت فستان عادي جداااجداا ساتان بو خمسه ومسوي من فوق لف وكرستالات وش قال ب300اللاف وسويت مثله واحلى ب100الكرستالات والشياء والقماش 30 والخياط 150 طلع يجنن

wـcـlـo g • 17 سنة

والله قهرررر من جد
يستغلوننا بكلمة مصمم ومصممة
والقهر زيادة اذا كانت الوحدة مضطرة واشترت منهم آآآخ بس
انا اذا سمعت كلمة ماراح تشوفيه على احد غيرك اعررررررف انهم نصب×نصب

بس مااقول الا حسبي الله ونعم الوكيل

أم مسلم • 17 سنة

مشكورة أختي على النصيحة

وعلى فكرة انا مثلك ولفيييييييت الدنيا لف مالقيت شي يعجبني القماااش كمان مكرر وماعجبني الا واحد لقيت المتر ب 2500 ريال طبعا مستحيل أشتريه وانا مو ضامنه الخياطة ..

وهالمصممة انا مثلك رحت لمحلها ولاعجبني من تصاميمها ولا شي وأستغربت موديلاتها نفس موديلات الاندلس ماتفرق بصراحه ...

بس للامانه اسعارها ماتزيد على 4 الاف اللي شفته

الألماسة • 17 سنة

يسلموا حبيباتي عالمرور والتفاعل

حسستوني ان اللي كتبته مهم مو الباقين الله يهديهم ما عطوني بال مع ان الموضوع مهموبعدين حدث جديد امس صاير مو قيل وقال ومن زمان

ام الدبدوبــــــه • 17 سنة

حسبي الله عليهم ونعم الوكيل

يلعبون على الحريم بكم كلمه مصمم مصممه ومدري ايش