أخواتي الكويتياات ممكن امي طالبتكم طلب تبغى تعرف المموش ؟؟ حيااكم ..

هلا يا الغالية ياغالي والطلب مموش!!
شوفي اولا اهو عبارة عن الماش الاخضر. وموجود بالجمعيات صوب العدس والبقوليات الناشفة. اقولك طريقتي انا وامي ويمكن في بنات يحطون لك طرق ثانية بس لا تحاتين كل الطرق تؤدي الى روما ...... قصدي للمموش.
تغسلين الماش وتحددين الكمية اللى تبينها وكتجربة حطي قد بيالة صغير او اكثر . واسلقيها بالماي وانا اضيف مكعب ماجى وفلفل بارد وملح طبعا . الى ان يستوي ياخذ من ربع لنص ساعة, تقدرين تمسكن حبة الماش وتهرسينها بايدك اذا ذابت وصارت لينة خلاص يكون الماش استوى. تكبسين الرز عليه. وتتركينه الى ان ينضج عادي.وتقدمينه مع الروب وبالهنا والشفا

هلا اختي مشكووورة جزااك الله ألف خير ..

أسألة أمي لك ..

تقول لك تخلط الرز بماااي الماش ؟!!
والرز مو مغلي قبل يعني مو محطوط في ماي على النار حتى يصير لين ؟!!
والماش يكون تحت الطنجرة والرز فوقه ؟؟! وله نخلط الماش والرز مع بعض ثم نضعهم على النار ؟!!


ولكِ ألف ألف تحية ... ومشكووورة مرة ثانية .. .

هلا قولي لامك الرز بس تغسله وتكته على ماي الماش والماش يكون موجود بالجدر ما تطلعه يعني تكبس الرز عليه. واهما راح يختلطون مع بعض .... عرفتي قصدي يعني احسبي حسابك ان الماي اللى تصبينه للماش يكفي الماش والرز مع بعض....... واي اسئلة انا حاضرة

هلا حبوبة بنت كيفان .. اها فهمت عليك .. خلاص اقول لها .. يعطيش العافية هذي كانت اسألتها ..


هلا غناتي ام حسين .. ينفع ينفع .. خلاص قولي طريقتش وانا رااح أخبرها ..
يعني الروبيان يكون حِلى يعني زي السمك الحلى اللي يحطوا فيه ملح وييبسووه في الشمس ؟!! <<<<<<<<< وصف انتكه خخخخ


مشكورررين عزيزاتي على المشااركة وتعليمي أأأأأأأقصد تعليم أمي المموش خخخخخ

حلوة طريقتك ام فيصل شهيتيني ...... باسويها باكر ان شاءالله عالغدا.