أشتريته وتورطت فيه.. شو اسوي

بتسوى بيه حاجات كتيرة جدا للحلو والحازق وهو لاغنى عنه فى المطبخ ...يعنى ماتورطيش ولا حاجة

البيكاتا بالمشروم
شرائح بفتيك بتلو (العدد حسب ماانتى عاوزة) - ملح - فلفل – عصير ليمونة – ملعقة كبيرة زبدة_ علبة مشروم صغيرة مقطعة قطع صغيرة - 2 علبة قشدة الخفق الحجم الصغير- 3 بصلات كبار مقطعين صعير
الطريقة:
يتبل شرائح البفتيك بالملح والفلفل و عصيرالليمون ثم نضع الذبدة في صينية يا ريت لو تيفال على النار و لما تسيح نضع اللحمة و نحمرها على نار هاديةمع التقليب باستمرار من الناحيتين لحد ما الوشين يتحمروا . ثم اشيلهم من الصينية فى طبق و بعدين احط البصل فى الصينية مكان اللحمة اللى شيلتها و اقلبه لحد ما يدبل ( يعنى تحسى انه بقى طرى ) و بعدين تروحى حطة المشروم المقطع مع البصل و تقلبيهم لحد برضة اما تحسى ان المشروم دبل . و بعدين تروحى حطة القشدة على البصل والمشروم فيغلي لحد ماتلاحظى ان القشدة تخنت شوية .( خلى بالك كل دة حياخد منك مجرد ثوانى علشان القشدة ما بتستناش كتير على النار ) وبعدين تروحى حطة اللحمة اللى كنتى شيلتيها على جنب فى طبق فى الصينية و يادوب تلفى اللحمة لفة فى القشدة اللى فى الصينية و تلاحظى انها عليها كريمة من الوشين تشيليها فورا. وبالهنا و الشفا

طاجن الارز المعمر باللحمة
المقادير
2 كوب ارز
لحم مسلوق و(سبق شرحنا فى طبق الفتة)
2 كوب شوربة من بتاعة سلق اللحمة
2 كوب حليب
ملح_ فلفل_ فصين حبهان
2 معلقة كبيرة سمن _ ملعقتان قشدة الخفق
مكسرات حسب الرغبة
الطريقه
يدهن طاجن فخار بالسمن
نغسل الارزجيدا ونصفيه من الماء ونخلطه بالملح والفلفل ونصف كمية السمن
ثم نضع نص مقدار الارز فى قاع الصينيه ثم ترص اللحمة فوق الارز وبعدين نحط باقى مقدار الارز فوق اللحمة بس خلى بالكم مايذدش الارز المحطوط عن 3/4 الطاجن لان الارز لسة حينفش و حتلاقية طلع لفوق .
ثم بالكبشة حطى الشوربة اللى خلطناها بالحليب فى الطاجن فوق الارز لحد فوق الارز بحوالى 1 سم
لما نلاقية شرب السائل نتذوقة اذا لقيناة لسة مستواش نحط شوية من السائل و هكذا و اذا لقيناة استوى نروح حاطين القشدة على الوش والسمن وندخله تانى الفرن ونتركه ليحمر من فوق
وبعدين نخرجة من الفرن ويترك يبرد قليلا و يقدم ساخن و بالهنا و الشفا

الاستيك بالصوص و المشروم ( استيك بالصلصة البنى )
المقادير:
قطع ستيك يفضل البتلو حتبليها بالملح و الفلفل
مشروم ( عش الغراب) طازج بيبقى فى اطباق فل فى قسم الخضروات أو معلب فى قسم البقالة مقطع شرائح
علبة صغيرة قشدة الخفق
(أو )ربع كوب شوربة لحمة او مكعب ماجى لحمة و 2 معلقة كبيرة دقيق
زبدة و زيت (لتحمير الاستيك)
ملح , فلفل
الطريقة:
ضعى قطع الاستيك فى دقيق من الوجهين و نفضى الدقيق الزيادة
- سخني على النار 2ملعقة من الزيت مع2 ملعقة من الزبدة في مقلا ية لحد ما تقدح .
ضعي قطع الا ستيك و اتركيهم من غير ما تقلبيها لحد ما يتغير لونها شوية بس ما تحمريهاش يعنى حتبقى بنى فاتح تروحى بالشوكة مقلباة على الوش التانى و اتركيها برضة لحد ما تبقى بنى فاتح . استمري لحد ما تخلصى كل القطع واحدة واحدة.
- فى الزيت و الزبدة اللى حمرتى فيهم الاستيك وحيكون فية برضة زى صوص او سائل غامقة ناشف قليل ناتجة عن تحمير اللحم حنبدء في عمل الصلصة البنى وللعلم ان الخطوة دى هي سر الطبق
ضعى المشروم و حمرية حتى يتغير لونه .
- اضيفي القشدة و قلبي
أو ملعقتين من الدقيق مع التقليب ثم ضعى الشوربة و قلبي حتى تحصلي على سمك مثل الكريمة . او البشاميل
ضعىالاستيك فى الصوص تقليبة على الوجهين ثم يغرف فى السرفيس و نضع على جنب الطبق الصوص بالمشروم
و بالهنا و الشفا

هلا حبيببتي عندي طريقه اتمنى تفيدج:
علبه دجاج نكتس
علبه كريمة حامضه.
علبو كريمه للخفق.
مكعب ماجي.
بصله متوسطه مبشوره.
علبة مشروم مقطعه شرائح.
زيت ذره.
الطريقه:
يقلب البصل في زيت الذره حتى يشقر لونه، يضاف اليه المشروم ويقلب ايضا لمده دقيقتين.
تضاف علبنا الكريمه ويخلط الجميع ويخفف بالماء، بعدها يوضع مكعب الماجي ويترك يغلي قليلا.
يقدم مع قطع الدجاج بعد قليها، والبعض يفضله مع الرز الأبيض بالشعيرية.
وبالهناء والعافيه