حبيبتي اهم شي ترتيب البيت والنظافه والبخور وزيني قهوتك وشاهيك وحطيه بالمجلس وجهزي فناجيلك وبيلاتك وكل شي كانهم بيجون وقت واحد قدمي على طول القهوه وكانهم ماراح يجون مع بعض قدمي عصير يعني كل ضيفه تدخل قدميها عصير لحد مايجتمعون كاسات العصير زينهم بالسكر من فوق وسوي حركات بالعصير دوري بالنت ولا راسليني اعطيك من خبرتي البسيطه والقهوه اذا انتي شاطره وهذا الافضل انك تسوين حلى بالبيت كانهم جايين بس قهوه اقل شي سويي 3 انواع واذا بيتعشون عندك سوي نعين وحطي تمر انا اجيب تمر الي بالاكياس ( مكنوز ) واحط عليه طحينه واحمس سمسم وارشه وره ررروعه ولا سوي قشد ومع الشاهي قدمي ورق عنب ومعجنات طريقه العشر دقايق مره روعه وحطي حركات توست لو تبغين حركات راسليني بس النت مليان اخر شي لو تبغين حركه قدمي كابتشينو او قهوه تركيه او اي شي والله يوفقك ويعينك

اول شي قدمي لهم عصير ولو يكون فريش افضل من الفواكه الموجوده بالبيت لو نوع واحد الفريش الذ بكثير

وبعدها القهوه مع نوعين حلى اقترح عليك حلى الماركه مرره لذيذ و اي نوع ثاني

وبعدها الشاهي طبعا ونعناع او زنجبيل بحكم ان احنا بفصل الشتاء الزنجبيل مرغوب كثير

ومعه ورق عنب مثلا من سنابل السلام عليهم ورق عنب روووعه ومعجنات انتي سويها مثل ماقالت وحده من الخوات عجينة العشر دقايق روعه

واذا فيه عجينة سمبوسه لاتقصرين وان شاء الله مايطلعون الا راضين ومبيضه الوجه عندهم

من رايي..تصبين لهم قهوة وتمر ونوع حلى ..
ثمن تقلطينهم عالسفرة...كيكه وسمبوسه وورق عنب وملفوف وكبه وفطاير وساندويتشات صغيرة..
والعصير والشاي على جانب الطاوله وبس
واذا خلصوا قدمي شاي اخضر او قهوة فرنسيه

ولا يهمتس يابنت العم بكون معك على الخط خطوة خطوة
وأهم شي الوجه البشوش لو وش تقدمين وأنتي مكتمة ماكنك قدمتي شي
يعني استقبليهم كأنك تستقبلين أمك وأهلك
شوفي أول شي صلحي شغلك كله باليوم اللي قبل يعني
صلحي الحلا نوعين يكون افضل وصلحي او جيبي معجنات وبيتي فور للشاهي
و جهزي اغراض القهوة والشاهي من الليل حتى ماتنشغلين فيهم بيوم الاستقبال
يعني حطي صينية القهوة وفيها الفناجيل وصحون التمر (لاتحطين التمر من الليل) مع دلال القهوة
وصينية الشاهي حطي فيها البيالات وصحون عشان المعجنات وحطي على كل صحن منديل هذي اللي تجيك بألوان
وجهزي الصياني اللي بتحطين فيها الحلا وأنا أفضل صينية وحدة وشكليها من الحلا
ولاتنسين صينية الماء (كاسات ماء )
............................
الحين وقت الضيافة..
طبعاً صلحي القهوة والشاهي قبل جيتهم بشوي حتى مايبرد
1) الحين بيكونون متواجدين قدمي لهم العصير الفرش ويفضل بالكاسات هذي إذا كان عندك


2)قدمي القهوة بعد 10 دقايق أو أقل من العصير يفضل يكون عندك طاولة جانبية حطي عليها الصينية اللي فيها الدلال
حطي التمر على الطاولات بعدين صبي لهم قهوة على بال مايتفنجلون<<حلوة
جيبي حلاك وقدميه لهم صينية وحده فيها نوعين او ثلاثة حسب مقدرتك احسن من تكثير الصحون علشان ماتترددين على المطبخ كثير

3) اذا خلصتوا قهوة شيليها وجيبي الشاهي وصلحي معه نوع ثاني نعناع يكون بصينية وشكلي شي صبي شاهي وشي نعناع يعني تكونين صابتهم في البيالات في المطبخ حتى ماتقعدين تصبين قدامهم بعدها جيبي المعجنات والبيتي فور أو إنك أنتِ تشكلين بالصحون من قبل يعني تكون جاهزة كل وحدة حطي عندها صحن وبس
وترى الدعوة سهلة بس الله يعين على :angry::09:

ملاحظة( الحلا صلحي هذا الحلا حلو وفخم )
http://www.onaizah.net/majlis/t99797.html
وصلحي معه
بسبوسة أو حلى الدومينوز
http://forum.hawaaworld.com/showthread.php?t=1583362

وووووبس إن شاء الله تستفيدين :27:

وش صار عليك
بشري