شكله رجع لحقارته ونذالته

السلام عليكم ورحمة الله صلو على النبي وياليت ماترد علي وحده زعلانه الي مو رايقه لا ترد والله الي فيني كافيني ما ابي اتضايق نفس موضوعي الاول
انا قبل سنتين ونص تقريبا تزوجني زوجي مو عشان يكوّن اسره ولا عشان الاستقرار ولا اي شي من هذا تزوجني لسببين الاول يربي زوجته فيني والثاني يتمتع وبس وكان محرص علي ما احمل وحملت بالغلط وجاب لي حبوب وقال خذيها وكان بياكلني غصب ولما رفضت حاول يسقطني بالضرب هذي نبذه بعدين انفصلنا سنتين وقبل فتره رجعت له وماكان عندي اي شروط غير انه مايمنعني عن الحمل نهائي احمل متى ما ابي لاني كان ودي اجيب لولدي احد يسليه بدال وحدته المهم مارفض بالعكس كان يحرص علي متى بتحملين متى بتحملين ولما حملت ما حسيته فرحان وغير كذا عمل حركتين خلتني اشك انه وده اسقط وحتى بذاك الوقت متغير احسه بس يبي يضر النونو وكنت اسكت لان هذي مو ادله قاطعه مره بس قلت له شوي شوي عشان النونو وعصب علي قال انتي مريضه نفسياً طفشتيني غلطت معاك مره وبتحاسبيني عليها طول عمري انفعل بشكل وانا بس قلت له النونو انفعاله غريب وخلاني اشك اكثر
الموضوع ومافيه اني عندي اختبارات وهو قال نجيب الغداء والعشاء بايام الاسبوع من المطعم وانا استغربت من متى هاللطف بس سكت وبيوم الثلثاء بالليل حسيت بمغص فضيع وكنت قبلها بيومين رايحه لموعدي واموري تمام الحمد لله ومابذلت مجهود ولا اي شي والي خلاني اربط انه بهاليوم ما طلع يسهر كعادته جلس عندي انا شاكه انه شربني شي بالعصاير الي يجيبها مع الاكل والله العظيم ما صرت اامن له اصعب شي الحرمه ماتحس بالامان مع زوجها انا يادوبك لي شهرين بديت اتأقلم واتطمن له الحين رجعت اخاف منه والله بس دموعي على خدي وهو مفكر ان النفسيه بسبب التسقيط نفسيتي تعبت تعبانه منه ما انام الليل افكر لو رجع وتركني ايش اسوي بحالي فكرت اصارحه بعدين ترددت لانه يقولي حقوده ونفسيه اذا تكلمت بالماضي 
شورو علي يشهد الله ما عندي احد استشيره غيركم ما ابي اضيق صدر امي معاي انا امثل عليها ان علاقتنا من احسن ما يكون واني احبه عشان ماتشيل همي تعبت من عدم الاحساس بالامان تنصحوني اصارحه بس اذا صارحته بيعصب مني شورو علي انا العشرين مابعد وصلت لها احس مو قادره اقرر ولا اتصرف كل الي اسويه غلط اعذروني اذا طولت كتبت الي بقلبي وحتى كلامي ما راجعته ما عندي احد افش له خلقي