رحلتي مع الالتصاقات والمنشطات وابر تفجيرية ... الحمدلله يارب

السلام عليكم بنات

طبعا الحمدلله يارب علي كل شي احنا بنعمة وخير يارب لك الحمد .. وكتابتي لهذا الموضوع مو اعتراض او تشكي بل للاستفاده للي زي حالتي وانتو تفيدوني بعد ..

طبعا انا متزوجه لي 5 سنوات تقريبا اخذت حبوب منع الحمل ديان السنه الاولي وبعدها وقف ماحصل حمل ولا اي شي بس كانت دورتي بعد الزواج قلليلة مره وكنت بامريكا واقول للطبيبات دورتي خفيفه ياناس ويقلون عادي بالعكس هم الاجانب يحبون الدوره الخفيفه ... وراجعت عند مليون دكتوره بامريكا والخبر عشان دورتي استغربت والكل يقول عادي اهملت الموضوع .. وصرت اراجع عند الدكتور سبسي في عيادات ليلي العنيزي طلبت تحاليل ووو الاجراءات العادية لكل وحده تبي تتابع الحمل وتراجع وراجعت عندها تقريبا سنتين او اقل وكنت اتابع التبويض واشتريت الجهاز حق التبيويض وكنت جدا متحمسة واتابع عند طبيبة وحسبت زوجي بالبداية عنده مشكله وبعدين اخر شي وسبحان الله ذاك
اليوم قلت بسوي اشعة صبغه بعد متابعااااااااااااااااااات مع دكتورة في عيادات ليلي العنيزي دكتورة سبسي بالخبر سوتها لي بنفسها الدكتورة ولا دخل الصبغه نهائي للرحم طلعت كلها السائل عطتيني مضادين لمدة شهرين كامله واقري الارشادات بالوصفه يعالج الالتهاب والسل الحوضي خفت طيران رحت للرياض عند الصفيان طلع موموجودانا كنت اراجع عنده وهو اللي حولني علي سبسي في الخبر تابعت عند دكتور وليد في الذرية وقال وشلون تعطيك مضادين شاف اشعتي قال غلط لازم تعدينه ماعندك رحم بالاشعه رحت عدت الاشعه هالمره مو صبغة ثانيه اسمها سانوغرام بدل مايحقن صبغه يحقن موية ويستخدمون سونار فوق البطن مؤلمة جداااااااا وقالي في التصاقات بالرحم وانا ماقد حملت ولاشي ولاجاني سل لان السل احيانا ينتقل للرحم او للحوض مارتحت رحت سويت اشعة صبغه من جديد كانت مؤلمة جدا وطلع عندي التصاقات داخل تجويف الرحم وتاكدت الحين ...... المهم رحت لكذا دكتور للدكتور قرملي في افنيوز بالرياض ورحت لبقنة بالحبيب وكلهم قالو لازم منظار نشيل الالصاقات وكلهم مستغربين من وين جا لان ماقد حملت واجهضت اسويت تنظيف اوجاني التهاب قوي بحيث اترقد بالمستشفي ارسلت اوراقي لامريكا وتحاليل واشعتي وقالو كلهم في عندي متلازمة اشرمان من متوسط الي شديد(التصاقات قوية) ... وسلمت امري لله واستخرت ورحت عن الدكتور عبدالعزيز الشهراني وقلت بسوي العملية عنده او عند قرملي استخرت وسويتها عند عبدالعزيز الشهراني والحمدلله الان لي 4 شهور اتعالج عنده وقالي اللي فيك مو اشرمان اللي فيك التصاقات بسيطه من التهاب كامن ماحسيتي فيه الحمدلله في الحين اخذ هرمونات عشان تقوية بطانه الرحم

استخدمت بريجليون منظم الدوره مكثف حبتين في اليوم عشان بطانة الرحم ترجع تتأسس وتقوي الحمدلله يارب علي شي مانفع معي كانت بطانه 3 ملل طول 3 شهور غيرت الشهر هذا الي ابر ميرونال يوم ايه ويوم لا لمدة 4 ايام قست حجم البطانه في يوم 11 من الدوره كانت 3 ونص مل ووالبويضه 8 وبعدها اعطاني زياده ميرونال 3 حقن يوم ايه ويم لا الي يوم 16 من الدوره اللي هو يوم التبيوض عندي قست البطانه امس كانت 5 الحمدلله علي كل حال عطاني ابر تفجيرية 10000 قالي ابيك تحملين حتي لو سمح الله صار اجهاض ...

وهذا باختصار شديد اللي صار لي ...

طبعا الان انا اخذ حبوب زيت زهرة المساء + فولك اسيد + بيبي اسبرين + عسل نحل وع غذا الملكات وطلع النخل + فيتامين ب ..

واحاول استغفر قد ماقدر باليوم دوامي طويل الي ساعه 5 ولاهية عن الذكر بس ان شالله ببدء اقرا في اي وقت القاه فاضية فيه

والحمدلله يارب علي كل حال واي حال اللهم لك الشكر حتي ترضي وانا راضية باي شي يكتبة ربي لانه خيره لي .. كنت خايفة قلقه تعبانه مرهقة بس واصيح بس الحين الحمدلله راضية ومرتاحه .

وسلامتكم

يالليت اللي عندها مشاكل في بطانة الرحم تفيدنا بتجاربها ...