من تواجدى معاكم فى المنتدى بقيت لما اكتب حاجة عسلوات كثير من حبيباتى فى المنتدى يقولوا عليا ست بيت شاطرة وانا اقول فى نفسى آآآآآآآآآآآآآآآآآه لو يعرفوا اللى فيها
المهم قلت النهاردة طيب ما اعرفهم اللى فيها
ههههههههههههههه
من حوالى 3 سنين بالضبط كنت مبعرفش نهائى اقلى بيض اومليت والله حتى سلق البيض ماكنت باعرفة
وترتيب سريرى دا مشكلة وقعطا عمرى ما عرفت اغير ملاية سريرى
وهدومى مكنتش باعرف اكويها ولو اتقطع زار فيها معرفش ارجعه مكانة
يدوب باعمل قهوة وشاى وبس :04:
وكل شغلى كان الالوان والورق والماجستير والتدريس فى الجامعة وقبلهم الفسح واللبس والرسم لانى خريجة فنون تطبيقية ومعايا ماجستير فيها
المهم
اتخطبت 5 سنين واول كلة مامتى قالتها لخطيبى انى مبعرفش اى حاجة فى شغل البيت ولا الطبيخ قالت حرام علشان منبقاش بنغشة وقالت له هاحاول اعلمها بس انت اصبر
ومرت سنتين الخطوبة ولا برضو اتعلمت حاجة
واتجوزت وكنت اشرب شاى مثلا واحط المج مكانة ذى ما انا متعودة اصحى الصبح الاقية مكانة
بقيت مش عارفة اطبخ اية وخلاص خلصيت ايام الفرح اللى ماما كانت بتبخلى فيها
وبدأت حياة الجد
لما اجى اسأل اى حد يضحك معقول متعرفيش حاجة
فقررت اتعلم واتغير
دخلت عالم حواء
اولا قسم الطبخ اتعلمت حاجات كثير جدااااااااااااااااا
واخص بالشكرdon اختى الحبيبة اللى علمتنى كثير وكثير
واتفرجت على جميع برامج الطبخ على التلفزيون كل القنوات طول اليوم
وعملت كتابين من المنتدى وبدات اجرب واستعنت بالله
والحمد لله اتعلمت كل الاكلات العربية والاجنبية والحلويات وبقيت شيف:cook: ههههههههههه واثقة من نفسى
وعملت عزمات كثير اهل زوجى واصحابى والاقارب الكل بيقبى مبهر معقول دى انا!!!!!!!!!!!!!!!!!!
الكل بيدخل متخيل السفرة كلها من برا لكن مفاجأة بعد لما يأكلوا اقولهم اان اللى عاملة من الالف للياء وتبدأ اسئلة نفس السيدات اللى كانوا بيسخروا من:35:
وهكذا
التنظيف كمان اتعلمت كلة منها وبدأت ابتكر كثير وكثير
ونظمت حياتى بيتى بشكل مرضى لزوجى ولنفسى ولبابا اللى كان زعلان وقلقان علشانى جدااااااااااا(الحالة كانت صعبة اوىىىىىىىى)
وهاكمل باقى التحول المرة الجاية بأذن الله