انا استخدم قولد وحلو وهذا ممتاز ..
كنج ارثر .

ام الحلوتين

مشكوووووره على مرورج


zina

يزاج الله الف خير ........ بس ممكن لو تكتبين اسم العجينه الي تقصدينها عشان اجربها.....


خليجيه2003

شكرا لج ..........
:26: :26:

مها الامارات..
انا استخدم الدقيق اللي لجميع الاستخدامات مافيه احلى منه صدقيني..(all purpose)
ومن اي ماركه مايهم
اللي انا استخدمه حاليا..grandma's best
واذا تبين عجينة ملكية تصلح لكل شي..بيتزا معجنات سنمون رول خلية نحل وتطلع تهبل بدقيق امريكا تذوب بالفم مثل القطنة....قولي لي..
واكتبها لك..
تحياتي..

سلالالالالام على الكل

شاااكرة وينك من زمااان هاتي الطريقه الله يجزاك ووالديك الخير والجنه ويرزقك اميييين بهالساعة المباركه الشغاله السنعه الشاطره اللي تجيك سهله مسهله من غير تعب :26: :26:

هاه عاد استاهل الطريقه .....

وهذه كمان
الله يرجعنا لاهالينا سالمييييييين غانمين عاجلا غير اجل اجمعين اميييييييييييييييين يارب العرش العظيم

لالالالالالالا تلوميني في هالديره مافيه بركه في الشي ابددددد عشان كذا فرحت من وصفك للعجينه

سلالالالالالام
:26: :26:

هلا عبير نجد..الله يسعدك ويقبل دعوتك قولي آمين..ماشاء الله داريةاني ابي شغالة:07:..ياحبيلك..
طيب هذي الطريقه.. ترى كل اللي هنا اخذوها الامريكان والعرب..
بالخلاط حطي مايلي:
كاس موية دافيه
ملعقه أكل خميرة
ربع ماس زيت
3ملاعق سكر
ذره ملح
واذا تبين حطي 3 ملاعق اكل حليب بودره والا مهوب لازم..
تخلطينهن بالخلاط زين
وبعدين تجيبن العلبه اللي تبي تعجنين فيها..وتكبين اللي خلطتيها بوسطها..تمام!!
اللحين حطي بالضبط كاسين ونص دقيق واعجينيهن يمكن تحتاجين اكثر شوي الين تتماسك معك العجينه.. ولا تطولين بالعجن مثل مايهكون علينا بعض الناس..استغرب صراحه منول كانت ايديني تطيح من العجن من الدباشه مصدقه انا:29: وطلع والله خذ علم وعبه بقاروره:42: يعني هك xهك ..اول ماتتماسك معك خلاص يعني العجن كله ماياخذ منك دقايق..:time:
غطي العلبه وحطيه بالفرن(طبعا مهوب مشغل) وبعد ساعه شكليهاوشوفي وشلون تطلع لك..تهبل صراحه
انا اقول لك وش اسوي بها؟؟
احيانا سندوتشات صامولي صغيرات..اشكلهن واغطيهن نص ساعه وبعدين ادهنهن بحليب سائل علشان يصير لونهن ذهبي يهبل..مااحب البيض ونكهته تكرم النعمه..
وتشغلين الفرن عليهن من تحت وبعدين من فوق..
وبعدين حشيهن باللي تبين..
دجاج كودو..او تونه او اي شي
احيانا احشيهن زعتر ..او جبن مع نعناع..يطلعن يهبلن..
احيانا اسوي بهن اقماع ياسلام يطلع لك شئ خيال..واحشيهن تونه..هذي الحشوه محد ذاقها ولا اعجبته..
تحطين تونه مصفيتها زين..وتطعين كل شي عندك اخضر قطع صغار.. مثل البصل الاخضر.. فلفل اخضر..خس جزر مبشور وبعدين تتبلينه بفلفل اسود شوي وملح وسماق وتحطين شوي مايونيز وتحلطينهن زين وبعدين تحشين الاقماع يطلعن روعه..
احيانا اسوي بهن سنمون رول وهذا عشق العائله:33:
تفردين العجينة على السطح اللي تبي تسوين عليه
وبعدين تعرفين(اي كانت بيليف اتز بيتر) معناه مااصدق انها زبده هذي تباع عندهم للدهن خاصه..استعملها للسنمون رول اطعم من العاديه فرق
تجين وتدهنين العجينه اللي فردتيها من هالزبده..
وبعدين تخلطين سكر بني وسكر عادي وقرفه بصحن وترشين على العجينه المدهونه بالزبده..وتحاولين تفركينها بيدك علشان تدخل الخلطه وتلزق بس مهوب بقوه علشان ماتتشقق العجينه..
لفيها شوي شوي وبعدين قطعيها وصفيهن بالصينيه..ولاتدهنينها من فوق ماتحتاج..وغطيهن شوي ربع ساعه او نص وبعدين شغلي الفرن عليها من تحت وفوق..انتبهي لاتتحمر مره من فوق بس اشقر علشان تطلع لك تتهفش..
وبعدين اذا طلعتيهن ..اخلطي بالخلاط شوي حليب نستله وشي جبنه فلادلفيا او كريم تشيز..كل واحد على حسب الرغبه اذا تحبون نكهه حليب النستلى خليه اكثر واذا تحبين نكهه الجين خليه اكثر انتي حطي وذوقي ..يعني مثلا نص علبه نستله مع نص جبن..
وبعدين صفي السنمون بالصحن واغرفي بالملعقه من الخلطه علشان ماتدج معك وتصير كثيره..اغرفي وحطي فوقها..
وقدميها مه القهوه تطلع تهبل..
وترا السر بدقيق امريكا ..تطلع لك هشه تهبل..:23:
فيه بعد خليه النحل..والجبنيه..جربي ذولي وعلمين اذا ضبطن اكتبهن لك والا اوفر ايديني اللي طاحت من الكتابة..:08:
والله يجعله هنئ مرئ ويجعل مداخيله العافية..:26: