الفشيلللللللللللللللللللللللللللللللللللللللللللللللللللللة

بسم الله الرحمن الرحيم
اهلا بنات كيفكم جبت لكم موضوع اتمنى يعجبكم
وابغى ردودكم الحلوة:21::21:


الفشيلة هي المواقف المحرجة التي تمر علينا .. وقالت العرب تفشل الرجل أي طاح وجهه
وقيل ايضاً فشل الرجل زوجتة أي قال لها انثبري وقفلي حلقك يا مرة ... قدام أهله
وفشٌل الرجل حبيبتة أي قفل الخط بوجهها ... الله يرجها اكيد تستاهل
والفشيلة مأخوذه من الفشل ... والفشل .. هو صفة تطلق على مؤتمرات القمة العربية وهي مرتبطة بالشجب فيقال شجب الحكام العدوان الاسرائيلي أي فشلوا
وقيل الله لايفشل مسلم
ويمر على الانسان الكثير من المواقف المحرجة التي تصيبة بالفشيلة وكما قال محمد عبدة لا لا تردين الفشايل وش اسوي بالورق
ومن المواقف الاخيرة التي مرت علي وفشلتني ... قبل كم يوم رحت السوبر ماركت اشتري اغراض للبيت ... ودخلت واخذت العربية احط فيها اغراضي ليش اسمها عربية مو انجليزي يمكن لانه لازم احد يحركها
ويمشيها على كيفة!!!! (خخخخخخخخ) المهم بديت امشي بالسوق ... وكم من طفل كدت ادهسه بالعربية لاني معرف اسوقها وكم من امرأة بغيت اتوطا عبايتها
خلصت الاغراض ومن ضمنها شفرتين حلاقة صغيرة لي وجيت عند المحاسب وجا دوري وكان وراي بنات ... المهم المحاسب سعودي ... حسب اغراضي وخلص وحطوها بالاكياس وجيت اخذها واطلع ....
وفجأة !!!!
والله محتاج لموسيقى تصويريه وانت تقرأ فجاءه صح (خخخخخخخ)
المهم احد الهنود اللي يشتغلون بالمحل .. قال .. صديق طلع شفرة من جيب ... انا كنت ناسيهم في جيبتي ولا حاسبت عليهم ... وحسبوني سارقهم وتعال دور وجهي قدام الناس وسمعت صوت ضحكة ناعمة وراي من البنات لكن ما بغيت التفت لهن حتى ما يشوفن وجهي ويقولن لبعض خدوده صارن طماط (ايه صفقنى طماط هو بصراحه اقرب للباذنجان!!!) ودفعت ريالين وطلعت ما ادري وين طريقي بسبب واحد رفيق
وبرضوا في اليورومارشيه صارلي موقف من بعدها صرت اخذ امي وانا رايح لليورومارشيه...لكن الحمد لله قدرت اطلع نفسي بحركه يقالي وسيع صدر ...
المهم.. لقيت بنتين يمشون ويناظروني قلت فرصتك الحق وطقهن بالرقم ودخلن محل قلت مافيه مشكله ادخل المهم ... انا قربت على بالي مسوي ستايل وكان الوضع حلو مافيه احد يطالع قلت طول شوي بالكلام ...قربت وقلت ماتعرفنا على الاسم واول ماتكلمت كل اللي بالسوق دخلوا المحل وهي طقت الصوت وقالت xx..وانا حسيت بشعور غريب توقعته الحب بس للاسف هي شتمتني وشلون يصير حب قلت لطف الجو وذب عليها ..قلت ماقلتيلي اسمك قالت ْxx قلت اوه عاشت الاسامي ..اوكي باي وطلعت ومن يومها ماقدرت ارجع اخذ بقايا وجهي من المحل...

ومن المواقف المحرجة المفشلة التي قرأتها وسمعت عنها (ياسر العظمه على غفله !!!) قصة مريم والرضاعة
مريم فتاه بالعشرينات ... لها عائلة كبيرة واقارب كثيرون وخاصة من الرضاعة وهي لاتعرفهم جميعاً بسبب كثرتهم ... وفي احد الايام اتاها والدها ( وشرايكم بكلمة اتاها خطيره صح) وهي تجلس بغرفتها تمشط بقرونها الطويلة استعداداً لقصهن مدرجات ولا مدري ايش
وقال يا مريم ... قالت لبيك يبة ... قال بنتي روحي سلمي على اخوانك وقرايبك بالرضاعة ... قالت استحى يايبه مااعرفهم .... قال لاتستحين ولاشى ذولى اخوانك ..... قالت ابشر يبة وراح ابوها غرفته يجيب شغلة .... المهم نزلت مريم للمجلس ولقت اخوانها اربع شباب سلمت عليهم وباستهم لانهم اخوانها بالرضاعة وجلست تسولف معاهم شوي المهم رجعت لغرفتها ... وجاء ابوها بعد شوية قال وينك ما سلمتي على اخوانك قالت توني رحت المجلس وسلمت يبه وينفجع ابوها ويصرخ فيها يا بقرة اللي بالمجلس ذولي ربع اخوك!!!! اخوانك بالرضاعه عندي بالملحق .... اخويا اخوها ما صدقوا خبر
وتستمر الفشايل جيل بعد جيل
ومن ضمن الضحايا المعلمة نوال .... في احد الايام تصحو نوال متأخرة عن دوامها ... وتردتدي ملابسها على عجل او خروف وتبلش وهي تصك السحاب دبة الله يرجها (مو دبه يعنى شوى سمينه لا لا تخينه لا لا اقولكم وارمه) ... وتنطلق الى مدرستها الثانوية ومباشرة تتجه لفصلها لان لديها حصة اولى وتدخل على البنات وعندما تدير نوال وجهها للسبورة تنطلق ضحكات عالية من كل ارجاء الصف وتتعجب نوال من هذا الامر فهي شديدة وشخصيتها قوية .... ماذا جرى للبنات .... فلماذا تلك الضحكات .........؟؟؟؟؟؟؟؟؟؟؟؟؟؟؟؟؟؟؟
لأن نوال نسيت ان ترمي بنطلون بيجامتها ولبست التنورة فوقة والمشكلة انه طويل اطول من التنورة والادهى والامر ان لونة اخضر وفيه نقط صفرا الله يرجها وش هالمزاج ياليته ازرق كان تنبلع هي وبنطلونها الله يسعدها محلاها
هذه بعض المواقف المحرجة التي تمر على الناس دائماً.... بس ما تلقاهم وتمــشي


منقول