تجمع (كفايات المعلمات) قياس وكل مايخصه

السلام عليكم ورحمة الله وبركاته


أخباركن ي الطيبات وياعسى الكل بخير وعافية ..


موضوعي عن هاجس الخريجات كلهم


فيلم الرعب اللي لنا فترة تعبانين منه لا نوم ولا حياة مثل العالم


أمس كان اختباري ,, وإلى الله المشتكى ~


والله العظيم شيء يقهر ويرفع الضغط ويجيب الغثياااااااااااااااااان


شيء يفشّل !!


بدل مانفرح بتخرجنا وننتظر الوظيفة نقعد نقشر بصل أمام هالعقبات كلها !!


,,


أنا ما أعترض ع الاختبار بحد ذاته ! بالعكس ممكن يكون شيء جميل لو كان عادل وحق
لو كان تحديد مستوى ثقافي علمي معرفي وشخصي لأي جامعية ودها تكون معلمة أجيال !


لو كان القائمين عليه حطوهـ للحق والانصاف لنا وللأجيال اللي نعلمهم !
لو كان شيء واقعي بشروط ترضي الجميع وعادله في المقام الأول !


والله أحب الكيمياء وأعشقها لكن هالفترة كرهوني فيها !
تخصصي الظريف اللي أحبه وتشبعت فيه وعايشة في أدق تفاصيله أطلع من اختبار وهذا حالي ؟؟!!!


أحكي لكم أهم ملاحظاتي في اختباري أمس :


* الوقت غير كافي بتاتا بتااااااتاا البته وظلم لنا ..
أجل 22 سؤال في 25 دقيقة !!
* يغلب ع الاسئلة المسائل الحسابية اللي يبي لها وقت حتى أحلها حسابيا بالآلة مو عاد يدوي على ورق !!!
* شرط عدم دخول الآلة الحاسبة غير منصف وغير عادل ولا له أي وجه حق أبداً
خصوصا لتخصصنا وللرياضيات والفيزياء مثلنا وشروانا أغلب مناهجهم مسائل حسابية ..!
* احنا يالكيمياء يغلب على الأرقام الاعداد العشرية من 5 و 6 خانات ومضروبة في 10 مرفوعه لأسس !
يعني مو الكل يقدر يحسب هذا كله في 60 ثانيه يدوياً !!
ولا لو إني من أحفاد نيوتن ووارثه العبقرية منه ماعملتها !
* ويومني مقدمة أبي أعلّم مرحلة ثانوية ! كيمياء ثانوي ! اختبروني فيهم وبمنهجهم مو من غباء مدري من وين مخترعينه !!
يشهد علي الله إني جايبة 6 كتب ل6 مناهج كيمياء الثانوي المراحل الثلاث بفصليها
وذاكرتها واطلعت على نماذج سابقة واختبرت اختبارات تجريبية في كتاب القبول كم
وكانت اجاياتي معقولة وحلوهـ حتى لو مافللتها كامله !
لكن ولا شيء ولااااا شيء من الاسئلة اللي تدربت عليها شفتها !!
ممكن يكون جاء شيء نفس الفكرة لكن الأغلبية مدري من وين مطلعينها !!


* المضحك المبكي بالاختبارين العام والتخصص :
الألوان
يابني آدم منك لوه ليش العداوة مع الألوان الواضحة !!
أنا شخصيا إنسانة خلقة مااقدر أركز في شيء فترة طويلة
مو عاد ورقة بيضاء وعليها لون أخضضضضر فاااتح وأزرق سماوي !!
يامسلمين اتقوا الله
أوكي مو أسود , مابي أسود
لكن أزرق أو أخضر واضح مايعميني
تدرون أغلب وقتي يروح وأنا أشتت نظري ع الطاولة أو بالأرض أو بالمراقبة اللي قدامي
بس عشان أقدر أستعيد تركيزي وأرجع أقرأ أو أظلل صح !
وراح نص الدقيقة اللي تكرموا علينا فيها
وفي نهاية كل قسم أرجع للتظليل أتأكد لا يكون خطأ ! وعلى الله ..~


* ومسألة أني أختبر مرهـ وحده بالسنة ليه !
أبي أفهم !!
حاقدين علينا ؟ ذابحين لكم أحد ؟ بيننا وبينكم ثار تبي تقتصون مننا ؟
16 سنة درست فيها أخليها على جنب وأصف معها سنين تروح على اختبار غير عادل ؟


أنا أول مرهـ أختبر هالسنة ماادخلت اختبار العام الماضي لظروف ما ..
لكن كثير من زميلاتي ما اجتازوا العام ورجعوا هالسنة !!
واللي يقهر إن فيه كثيييييييير وقفوا على 48 و 49 !!
يعني وقفت لها على درجة وتجتاز هالقياس !! ليه ياعالم ليييييه !!!


حسسبي الله ونعم الوكيل بس


أعتذر إن طولت , لكن شيء بقلبي ودي أفش خلقي حتى ما أنفجر
وأتوقع الكثير يوافقني بالهرجه ,,


لكن يظل أملنا بالله كبيييييييييييييييير
والحمد لله الرزق عند الله ماهو عندهم
وربي مايضيع لنا تعب بإذن الواحد الأحد بنعدّي وبنتوظف


وأبشركم وتبشروني بالدرجات العالية في هالقياس وفي الوظيفة إن شاء الله


المايك لكم ...

بسم الله الرحمن الرحيم..
السلام عليكم ورحمة الله وبركآاته،
كيفكم يآبنآات وش حالكم!!<<<<مايسر عدو ولاصديق!!
بنآاآات
شفتم إختبار كفايات كييف حطم آمالنا وكسر مجادييفنا!!
16سنه درآاسه وكرف وأنشطه ووسائل وإذآعات وقومة صبآاح وحصص ريآده و..و......و........وآخرتها يحطوون الإختبار اللي مسح كلللل مآاضي الجهد والتعبب والكرف!!
والله العظيممم أنا وكثييير غيري كانت درجاتنا بالجامعه شبه كامله ومرتبة شرف اولى وجا هالاختبار وحال بيننا وبين الوظآاآئف وكل احلامي طارتتت مع شمس الغروب!!
* * * * *
لذلك قررت نتساعد ونرسل لخالد التويجري عشان يعرض مشكلتنا على خادم الحرمين الشريفين ويحذفون هالاختبار بنآاآات
بنآاآاآات
بالله عليكم نبغى نتساعد ونرسله في يوم معييين كلننا،،

لا جديدهم عشان يرتاحون منا الاجتياز من 55٪ للعام و55 ٪للتخصص
حرام والله وقبل النتايج بكم دقيقة يغيرون انا مايشملني لاني مختبرة عام 1434 بس الله العالم يوظفونا ولاتمر خمس سنين ونعيد يالله العافيه قد عجزنا
بس قهروني على اي اساس التغيير حسبنا الله في اللي يضيق على المسلمين

بنات من حقنا ما نسكت ونطالب زي البديلات ومانعطيهم فرصه يفرضون علينا اللي يبغون ليه فين احنا ...لازم نوصل صوتنا لهم مانجلس نحطم في بعض ...بعدين قياس طيب ماختلفنا بس ليه الاسئله اللي تقولون بيطلعونا ندرس طلاب جامعه ولا دكاتره ..بالله ليه هذا الاستهتار احنا ندرس طلاب مدارس لهم مناهج معينه يسالونا فيها ..وبعدين من متى التدريس يكون اختبار ورقي يعني اللي ماشي حالها وجتازات تتعين واللي جايبه امتياز ومرتبه شرف تجلس لين تجتاز كيف بالله لازم نحط حد لهذي المهزله ماهو كيفهم الله يارب تشغلهم بانفسهم يارب 

بنات الجغرافيا الي ما اجتازو الاختبار متى تقديمنا