Romanove :

السلام عليكم ورحمة الله وبركاته موضوع راااائع ختيه _تاليا_ وإن شاء الله يستفيد منه الجميع بالنسبة لي تعاملت مع خوات يشهد الرحمن برقي تعاملهن أول وحدة الأخت توته الحلوة (أم خليفة) ما بمدح دخونها وعودها ومخلطاتها لأنه المنتدى ماشاء الله مليان مدح باللي توفره ولا بمدح تعاملها وذوقها لأنها ماشاء الله الكل اتفق على مدى تعاملها الراقي وتواضعها ويا الخوات أما مسألة توصيل الأغراض فماشاء الله عليها أنا طلبت منها الأغراض وهي وفرتهن لي على طول ربي يحفظها --------------------------------------------- خذت من الأخت اسبرانسا مكياج كريولان ماشاء الله عليها راقية وفي نفس الوقت أول ما وصلت الطلبية شحنتها لي على طول --------------------------------------------- طالبة من مشرفتنا الغالية فتون الإمارات تغلف ليه مندوس بس أنا أخرتها لأني ما أبا أستلمه في الوقت الحالي لكن أنا أثق أنها مجرد بغيت أستلمه هي ما بتقصر إن شاء الله --------------------------------------------- حالياً طالبة من الأخت الجوهرة طلبية دخون وماشاء الله عليها تعاملها راقي وفي نفس الوقت اتفقنا على طريقة الدفع والتوصيل يعني لا تماطل ولا تأخر والحمدلله ونفس الشي طالبة من الأخت ms_safar وحسيت أنها من النوع اللي توصل الطلبية بسرعة ماشاء الله عليها وإن شاء الله لي تعامل مع مندوبة الأخت فراولة سويت لبنات الإمارات .. الأخت حلا الإمارات ربي يوفقهن لكل خير --------------------------------------------- --------------------------------------------- --------------------------------------------- بالنسبة لي فأنا أعذر التاجرة اللي تتأخر في تسليم الطلبية في بعض الأحيان والسبب لأنها إنسانة تمر بظروف مثل ما نحن نمر بها لكنيه أعتب على التاجرات اللي يتبعن أسلوب المماطلة والتكبر بعد استلام المبلغ يعني استلمتي المبلغ وبتتأخرين في توصيل الطلبية اعتذري من الزبونة وشرحي لها الأسباب بس بعض التاجرات اللي يهداهن (بناء على تجارب بعض الخوات) يستلمن المبلغ وبعدين شرات ما قلتي ختيه تاليا يستهترن وما يردن على الوحدة وممكن يماطلن الله يهدي الجميع ***************************************** خواتي اللي تعاملن ويايه أمااانة إذا أنا قصرت في حق أي وحدة فيكن أو تأخرت في تسليم طلبياتكن (طبعاً ما قصدت الطلبيات اللي تاخذ وقت لين توصل من برع .. هالشي مب بيدي أنا فديتكن) تكتبتن شهادتكن وأنا ما بزعل بالعكس إذا أنا مقصرة نقدن علي وهالشي بيخلينه أتحسن إن شاء الله

السلام عليكم ورحمة الله وبركاته موضوع راااائع ختيه _تاليا_ وإن شاء الله يستفيد منه...

_تاليا_ :

كالعااااااااااااادة بالضبط والنعم بكل اللي مدحتوهم وماعلى الحاضرين قصور لكن في انتقاد لبعض التصرفات وانا فاتحه موضوعي هذا يا بنات عشان نكتب معاناتنا وليس المدح لان الزين والطيب يفرض نفسه ونحن بروحنا دائما نكتب موضوع نشكر فيه اي تاجرة تعاملت معانا بمنتهى الاحترام والتقدير لكن انا قصدي التاجرات المستهترات !! منو بينصفنا منهن ؟منو بيوقفهن عند حدهن ؟؟ اذا استمر شلال المدح ماراح نقدر ناخذ ابسط حقوقنا ع الاقل في الاحترام انا مااطلب من التاجرة انها تصرف علي من مالها ؟؟ انا داخلها في موضوع بزنس معاها وقاعده اتحمل مصاريف التحويل والمكالمات واتحمل فوق هذا مرات والله مزاجها ونفسيتها ؟؟ ليش ؟؟ اخاف اكتب وجهة نظري اطلع الوحشه بينكم مثل البطه السودا على قولهم اتمنى نكون شوي جدين وعمليين وبعدين عن المجامله لان اللي بنتقدها اكيد مابتقص رقبتي بس ممكن اخذ اجر في بنت قبل لا تتورط معاها في تجارة بنات خلونا ناخذ الموضوع بدون حساسية

كالعااااااااااااادة بالضبط والنعم بكل اللي مدحتوهم وماعلى الحاضرين قصور لكن في انتقاد لبعض...