دونااااا @donaaaaa
عضوة نشيطة
عندي عزومه ساعدوني ياطباخات
يابنات عندي عزومه عائليه وابغى تقترحون علي وش اسوي العشاء الله يدخلها الجنه الي ترد:p
10
2K
يلزم عليك تسجيل الدخول أولًا لكتابة تعليق.
سوي سلطات وورق عنب وكبه وحطي سبرنق رول ورز واي طبق شعبي ولاتنسين حلا العشاءسوي سلطات وورق عنب وكبه وحطي سبرنق رول ورز واي طبق شعبي ولاتنسين حلا العشاء
هلااختى اسهل شى ويجمل سوى جريش مع كشنتة وكبسة ومرق وسلطة نوعين وحلى نوعين عندك حلا الببسى روعة وحلا الاناناس اوحلا التفاح والجلى كلهم روعة وانتى واختيارك ودمتى
عندي لك طبق جنان تهرسين بطاطس وتكورينه وتغمسينه ببيض وبقسماط وبعدين تجيبين صينيه وتسوين هالطبقات الطبقه الاولى بصل وفلفل بارد كرنب وجزر كلهم مقطعات طوال ومحموسه شوي ومتبله بملح وفلفل ونحطه بالصينيه الطبقه الثانيه كشنة لحم مفروم الطبقه الثالثه بازيلاء مسلوقه ثم نصف كور البطاطس نخلي بينهم مسافه بسيطه ثم جيبي قشطة خفق واذا ماعندك قيمربس حطيلها شوي ماء وحطي ملح وفلفل ثم صبيها على الصينيه ودخليها للفرن من تحت وفوق وتقدم مع رز ابيض
الصفحة الأخيرة
مو طباخه لكن ممكن اساعدك بشيء بسيط وصغيرون.... وان شاءالله ينفعك...
اذا عزومتك عائليه .. وصغيره اهم شيء التنويع فيها....
نبداء بالسلطات ممكن تسوين نوعين سلطه او ثلاثه وفيه وصفات كثير هنا بقسم الطبخ... وراح اذكر لك نوعين سلطه سهله وخفيفه وسريعه
#سلطة الخضار المسلوقه مع الصوص الابيض#
بطاطس مسلوق وجزر مسلوق الكميه حسب الموجودين عندك
نصف حزمة بقدونس...
ذرة معلبه ...
فطر مشروم معلب او طازج ويسلق ((حسب الرغبه ))
تقطعين الجزر والبطاطس مكعبات صغيره بعد ماتسلقينها
تقطعين البقدونس تقطيع ناعم زي بقدونس التبوله
وتضيفين المشروم والذره للخضار السابقه وتعصرين عليها نصف ليومنه وملح وزيت زيتون قليل....وتقلبينها مع بعض وتحطينها بصحن التقديم والصوص يكون على جنب يسكب فوقها عند الاكل ...
الصوص : فص ثوم وعلبة زبادي وقشطه وملح وملعقه مايونيز <<<في الخلاط....
بعدين تحطين الصوص في اناء السكب ... عشان الي يحب يحط منها يحط بنفسه الكميه الي يبيها وتراها سهله جدااااا ولذيذه....
نوع السلطه الثاني سلطه خضراء العاديه المتعارف عليهاااا وزيدي عليهااا مكعبات الخبز المحمص او المقلي تعطيها شكل وطعم رااائع....
نجي للاطباق الثانويه :::
بطاطس مقلي<<<لذيذ اشتري مجمد واقليه بالبيت سريع ولذيذ...
ممكن تسوين محشي كوسه ومحشي فلفل رومي وباذنجان وطماط..
ممكن تسوين ايدام الباميه او ملوخيه او مكرونه بالباشميل يعني اكتفي بثلاث انواع او نوعين حلو جدا وكفااايه
الطبق الرئيسي اكيد راح يكون الكبسه السعوديه المعرووفه....
اذا حابه تستفسرين عن شيء معين عادي خذي راحتك الخاص مفتووح ارسلي رساله لاني ما ارجع للمواضيع الي ارد عليهاا....
اعذريني على التقصير ولكن لك الحريه في السؤال انا اخت لك وتحت امرك....
ولك الود والتقدير ...
اتمنى انال منك دعوه في ظهر الغيب ....